मुंबई - सिनेमाप्रेमींसाठी एक चांगली आणि आनंदाची बातमी आहे. बऱ्याच काळापासून प्रेक्षक ज्याची प्रतीक्षा करीत आहेत असा ‘भूत पोलिस’ चित्रपटाच्या प्रदर्शनासाठी निर्मात्यांनी एक पाऊल पुढे टाकले आहे. बॉलिवूड अभिनेता सैफ अली खानच्या ‘भूत पोलिस’ चित्रपटाचे पहिले पोस्टर प्रदर्शित झाले आहे. खरंतर सैफची पत्नी करिना कपूरने या चित्रपटाचे पहिले पोस्टर शेअर करुन चाहत्यांचा उत्साह द्विगुणित केला आहे. हे पोस्टर शेअर करण्याबरोबरच तिने चाहत्यांना सांगितलंय की हा चित्रपट लवकरच डिजिटल प्लॅटफॉर्मवर (डिस्ने + हॉटस्टार व्हीआयपी) प्रदर्शित होईल.
- " class="align-text-top noRightClick twitterSection" data="
">
'भूत पोलिस'चे पोस्टर
'भूत पोलिस'च्या या नव्या पोस्टरमध्ये सैफ अतिशय रंजक अवतारात दिसत आहे. या पोस्टरमध्ये सैफने लेदरच्या काळ्या रंगाची जाकीट आणि गळ्यात जाड साखळी परिधान केलेला दिसत आहे.
या चित्रपटाचे पोस्टर रिलीज करताना सैफ अली खानची पत्नी आणि बॉलिवूड अभिनेत्री करिना कपूर खान हिने लिहिले आहे की, “पॅरानॉर्मलची भीती बाळगू नका आणि विभूतीबरोबर ''सैफ'' रहा.'' पोस्टर रिलीज झाल्यानंतर चाहत्यांनी उत्सफुर्त प्रतिक्रिया द्यायला सुरुवात केली आहे. बऱ्याच जणांनी पोस्टरची प्रतीक्षा करीत होतो असे लिहिले आहे.
‘भूत पोलिस’ चे इतर कलाकार
‘भूत पोलिस’ या चित्रपटात सैफअली खानबरोबर अर्जुन कपूर, जॅकलिन फर्नांडिज आणि यामी गौतम देखील महत्त्वपूर्ण भूमिकेत दिसणार आहेत. या चित्रपटाचे दिग्दर्शन पवन कृपलानी यांनी केले आहे.
हेही वाचा - मालविकाच्या नावानं प्रेक्षक बोटं मोडतात' - आदिती सारंगधर
