मुंबई - बॉलिवूडचा भाईजान सलमान खान आणि दिग्दर्शक संजय लिला भन्साळी हे तब्बल २० वर्षानंतर एकत्र येत आहेत. सलमान खानने त्यांच्या 'हम दिल दे चुके सनम' या चित्रपटात मुख्य भूमिका साकारली होती. या चित्रपटानंतर आता पुन्हा एकदा संजय लिला भन्साळी हे सलमानला घेऊन चित्रपट तयार करणार आहेत. या चित्रपटात त्याच्यासोबत आलिया भट्ट हिची वर्णी लागली असल्याचे बोलले जात आहे.
आलिया भट्ट सध्या यशाच्या शिखरावर आहे. तिच्या 'राजी', 'गली बॉय' या दोन्हीही चित्रपटांनी बॉक्स ऑफिसवर १०० कोटींच्या पुढे कमाई केली आहे. या चित्रपटातून आलियाच्या दमदार अभिनयामुळे यावर्षात तिच्याकडे अनेक चित्रपटांच्या रांगा लागलेल्या आहेत. एका माध्यमाने दिलेल्या वृत्तानुसार, संजय लिला भन्साळीच्या आगामी चित्रपटात आलिया भट्ट भूमिका साकारणार आहे. मात्र, आलियाने अद्याप या बातमीला दुजोरा दिलेला नाही.
- " class="align-text-top noRightClick twitterSection" data="
">
'बाहुबली'चे दिग्दर्शक एस एस राजामौली यांनी देखील त्यांच्या 'आरआरआर' या चित्रपटासाठी आलियाला विचारले होते. मात्र, आलियाकडे बरेच चित्रपट असल्याने वेळेचे कारण देत तिने या चित्रपटाला नकार कळवला आहे.
- " class="align-text-top noRightClick twitterSection" data="
">
आलिया आता 'ब्रम्हास्त्र', 'कलंक' आणि 'तख्त' या तीन बिग बजेट चित्रपटात झळकणार आहे. तिचा 'ब्रम्हास्त्र' हा चित्रपट तमिळ, तेलुगु आणि हिंदी अशा तीन भाषेत प्रदर्शित होणार आहे. नुकताच या चित्रपटाचा तेलुगु भाषेतील लोगो प्रदर्शित करण्यात आला आहे.
आता आलिया संजय लिला भन्साळीच्या चित्रपटातही भूमिका साकारणार का? हे प्रेक्षकांसाठी औत्सुक्याचे असेल.
