रशियाचे सरकार कोसळले, पंतप्रधान दिमित्री मेद्वेदेव यांचा राजीनामा

दिमित्री हे २०१२ पासून रशियाच्या पंतप्रधानपदी होते. त्याआधी २००८ ते २०१२ पर्यंत ते रशियाचे राष्ट्राध्यक्ष होते. रशियाचे सध्याचे राष्ट्राध्यक्ष पुतीन यांनी बुधवारी देशाच्या जनतेला संबोधित करत दिमित्री यांच्या राजीनाम्याबाबत माहिती दिली.

मॉस्को - रशियाचे पंतप्रधान दिमित्री मेद्वेदेव यांनी आपला राजीनामा राष्ट्राध्यक्ष पुतीन यांच्याकडे दिला आहे. त्यामुळे रशियाचे सरकार कोसळले आहे.

सूत्रांनी दिलेल्या माहितीनुसार, पुतीन यांनी दिमित्री यांचे त्यांनी दिलेल्या सेवेसाठी आभार मानले आहे. मात्र, त्याचवेळी त्यांनी हेही म्हटले की दिमित्री यांचे मंत्रीमंडळ हे त्यांच्या अपेक्षा पूर्ण करू शकले नाही. रशियन माध्यमांनी दिलेल्या माहितीनुसार, मेद्वेदेव यांच्याकडे राष्ट्रपती सुरक्षा परिषदेचे उपाध्यक्षपद देण्याचा पुतीन यांचा मानस आहे.