हैदराबाद - साऊथचा सुपरस्टार विजय देवरकोंडा आता बॉलिवूडमध्ये पदार्पण करणार आहे. 'लायगर' हा त्याचा बॉलिवूड डेब्यू चित्रपट आहे, ज्याचा दमदार ट्रेलर नुकताच रिलीज झाला आहे. या चित्रपटात विजय देवरकोंडासोबत बॉलिवूड अभिनेत्री अनन्या पांडे मुख्य भूमिकेत दिसणार आहे. अलीकडेच मुंबईत या चित्रपटाच्या ट्रेलर लाँच सोहळ्यात या चित्रपटाची मुख्य जोडी दिसली. येथे विजय देवरकोंडा साधी चप्पल घालून आला होता. या सँडलची किंमत किती आहे हे जाणून तुम्हाला आश्चर्य वाटेल.
- " class="align-text-top noRightClick twitterSection" data="
">
लायगरच्या ट्रेलर लॉन्चच्या वेळी विजय देवराकोंडा कॅज्युअल लूकमध्ये आला होता. त्यावेळी त्याने काळ्या टी-शर्ट आणि तपकिरी ट्राउझर्सखाली चप्पल घातली होती. अगदी सामान्य लोक घरात घालतात तशी ती चप्पल होती. मीडियामध्ये आलेल्या बातम्यांनुसार, या सँडलची किंमत फक्त 199 रुपये सांगितली जात आहे.
प्रसारमाध्यमांनुसार, विजयने सांगितले की, या मोठ्या कार्यक्रमासाठी तो खूप घाबरला होता आणि तो मुंबईत असल्यामुळे त्याला काहीच समजू शकले नाही. अशा परिस्थितीत तो चप्पलमध्येच या इव्हेन्टसाठी पोहोचला होता. या स्टाईलमध्येही खूप प्रेम मिळाल्याचा आनंद असल्याचे विजयने सांगितले.
करण जोहर (धर्मा प्रोडक्शन) च्या बॅनरखाली पुरी जगन्नाथ दिग्दर्शित लायगर हा चित्रपट बनला आहे. या चित्रपटात विजय बॉक्सरची भूमिका साकारत आहे. हा चित्रपट यावर्षी 25 ऑगस्टला रिलीज होणार आहे. साऊथची दिग्गज अभिनेत्री रम्या कृष्णन या चित्रपटात तिच्या आईची भूमिका साकारत आहे.
हेही वाचा - गायक राहुल देशपांडे यांनी राष्ट्रीय पुरस्कार आजोबांना केला समर्पित
