मुंबई : बॉलिवूड अभिनेत्री सुष्मिता सेन पुन्हा एकदा तिच्या 'ताली' चित्रपटामुळे चर्चेत आली आहे. या चित्रपटात ती गौरी सावंत या ट्रान्सजेंडरची भूमिका साकारत आहे. हा चित्रपट गौरीच्या खऱ्या आयुष्यावर आधारित आहे. 'ताली' चित्रपट १५ ऑगस्ट रोजी ओटीटी प्लॅटफॉर्म जिओ सिनेमावर रिलीज होणार आहे. सुष्मिताचे चाहते या चित्रपटच्या रिलीजची वाट खूप आतुरतेने पाहत आहेत. दरम्यान आता नुकताच या चित्रपटाचा ट्रेलर प्रदर्शित झाला आहे. याशिवाय हा ट्रेलर सुष्मिताने तिच्या इंस्टाग्राम पेजवर रिलीज केला आहे, यासह तिने हा चित्रपट रुपेरी पडद्यावर कधी दाखल होणार हे देखील सांगितले आहे.
'ताली' चित्रपटाचा ट्रेलर झाला रिलीज : सुष्मिता सेनने शेअर केलेल्या ट्रेलरमध्ये असे दाखविण्यात आले आहे. गौरी सावंत यांचे आधीचे नाव गणेश होते. गणेश हा क्लासरूममध्ये त्याच्या टिचरच्या प्रश्नाचे उत्तर देत म्हणतो की, मला आई बनायचे आहे, त्यानंतर त्याला क्लासरूममधील सर्व मुले हसतात, नंतर गणेश हा ट्रान्सजेंडर महिलांसोबत डान्स करताना दिसतो. त्यानंतर गणेश हा महिलांसारखी टिकली लावतो आणि साडी घालतो. या रुपात त्याला त्याची आई पाहते. त्यानंतर तो कॉलेजच्या लाईनमध्ये दिसतो, तिथे मुला आणि मुलींच्या लाईनसाठी बोलवले जाते त्यानंतर गणेश हा कन्फ्यूज होतो. नंतर तो तृतियपंथीसाठी सकारात्मक कार्य करताना दिसतो, यानंतर त्याला एक ट्रान्सजेंडर म्हणतो की, आमच्यासारखा बन मग बाकी सर्व काम कर या शब्दावर गणेश विचार करून स्वत:ते ऑपरेशन करून पूर्णपणे ट्रान्सजेंडर बनतो. ट्रेलरच्या शेवटी तो तृतियपंथीच्या हक्कासाठी लढाई लढताना दिसतो. असे या ट्रेलरमध्ये दाखविले आहे.
'ताली' चित्रपटाचा ट्रेलर चाहत्यांना आवडला : 'ताली' चित्रपटाचा ट्रेलर रिलीज झाल्यानंतर अनेकांना या चित्रपटाचा ट्रेलर आवडत आहे. या चित्रपटाच्या ट्रेलरच्या पोस्टवर अनेकजण सुष्मिता सेनची प्रशंसा करत आहेत. काही चाहत्यांनी हा चित्रपट ओटीटीवर येण्याच्या पूर्वीच या चित्रपटाला जबरदस्त घोषित करून ट्रेलरवर फायर इमोजी पोस्ट केले आहेत.
- " class="align-text-top noRightClick twitterSection" data="">
हेही वाचा :
- Kushi Trailer Date OUT: विजय देवरकोंडा आणि सामंथा रुथ प्रभू स्टारर 'खुशी' चित्रपटाच्या ट्रेलर रिलीजची तारीख जाहीर...
- Sushant Singh Rajput : सुशांत सिंहसारख्या दिसणाऱ्या डोमिन अयानला पाहून चाहते झाले भावूक; राखी सावंतने केली कमेंट
- Neha sharma and aisha sharma : नेहा शर्मा आणि आयशा शर्माचे आईस डिप चॅलेंज
