मुंबई - बॉलिवूडची 'क्वीन' कंगना राणौतने अलीकडेच 'इमर्जन्सी' या चित्रपटाची घोषणा केली असून, या चित्रपटात ती माजी पंतप्रधान इंदिरा गांधी यांची भूमिका साकारणार आहे. आता या चित्रपटातील माजी पंतप्रधान अटलबिहारी वाजपेयी यांची व्यक्तिरेखा समोर आली आहे. अभिनेता श्रेयस तळपदे ही व्यक्तिरेखा साकारणार आहे.
- " class="align-text-top noRightClick twitterSection" data="
">
अभिनेत्याने त्याचा फर्स्ट लुकही शेअर केला आहे. श्रेयस तळपदेने सोशल मीडियावर अटल बिहारी वाजपेयींचा पहिला लूक शेअर करताना लिहिले की, 'आणीबाणीच्या काळातील श्रेयस तळपदेचा अटल बिहारी वाजपेयी लूक सादर करत आहे, जे आणीबाणीच्या काळात राष्ट्रवादी आणि उदयोन्मुख नेते होते'.
या पोस्टसोबत श्रेयसने अटलजींची एक कविताही शेअर केली आहे. खाली वाचा.
- बाधाएं आती हैं आएं
घिरें प्रलय की घोर घटाएं,
पावों के नीचे अंगारे,
सिर पर बरसें यदि ज्वालाएं,
निज हाथों में हंसते-हंसते,
आग लगाकर जलना होगा।
कदम मिलाकर चलना होगा।
- अटल बिहारी बाजपेयी
यापूर्वी बॉलिवूडची 'क्वीन' कंगना रणौतच्या 'इमर्जन्सी' चित्रपटाचा फर्स्ट लूक रिलीज करण्यात आला होता. चित्रपटात कंगना रणौत माजी पंतप्रधान इंदिरा गांधी यांच्या लूकमध्ये दिसत आहे. 'धाकड गर्ल' कंगनाचे प्रॉडक्शन हाऊस मणिकर्णिका फिल्म्सच्या बॅनरखाली बनलेल्या 'इमर्जन्सी' चित्रपटाची अभिनेत्री असण्यासोबतच ती या चित्रपटाची दिग्दर्शिका आणि निर्माती देखील आहे.
कंगना राणौतने आगामी चित्रपटाचा फर्स्ट लुक पोस्टर आणि टीझर रिलीज केला आहे. अभिनेत्रीने तिच्या इंस्टाग्राम अकाउंटवर पोस्टर आणि टीझर शेअर केला आहे. तिने कॅप्शनमध्ये लिहिले- 'हे ते आहेत ज्यांना सर म्हटले जायचे.' पोस्टरमध्ये तिचा लूक जबरदस्त दिसत आहे. ती हातात चष्मा घेऊन खोल विचारात मग्न झालेली दिसते.
हेही वाचा - फोटोशूटच्या वादामुळे न डगमगता रणवीर सिंग पाहतोय हॉलिवूडचे स्वप्नं
