मुंबई - शाहरुख खान पुन्हा एकदा फॉर्ममध्ये दिसत आहे, कारण किंग खानकडे अनेक चित्रपट आहेत आणि तो या सर्व चित्रपटांवर वेगाने काम करत आहे. 'डंकी' आणि 'पठाण' या चित्रपटांसह, शाहरुख खानने एका प्रोजेक्टसाठी साऊथ चित्रपटांचे हिट दिग्दर्शक एटली कुमार यांच्याशी हातमिळवणी केली आहे. आता या चित्रपटाच्या शूटिंगसाठी शाहरुख रवाना झाला असून आता तो पुन्हा पुन्हा पापाराझींच्या नजरेसमोर येत आहे. या चित्रपटाचे नाव अद्याप समोर आलेले नाही. या चित्रपटात तो साऊथची सुपरहिट अभिनेत्री नयनतारासोबत दिसणार आहे.
मीडिया रिपोर्ट्सनुसार, एटलीसोबत शाहरुखच्या या आगामी प्रोजेक्टचे नाव 'जवान' असे सांगितले जात आहे, मात्र निर्मात्यांनी चित्रपटाच्या नावाबाबत कोणतीही घोषणा केलेली नाही.
- " class="align-text-top noRightClick twitterSection" data="
">
हा चित्रपट 2023 मध्ये प्रदर्शित होणार असल्याचे सांगितले जात आहे. हा एक रोमँटिक-ड्रामा चित्रपट आहे, ज्यामध्ये शाहरुख खान आणि नयनतारा रोमान्स करताना दिसणार आहेत. या चित्रपटाचे नाव आधी 'लायन' (LION) असे सांगितले जात होते.
त्याचवेळी सोशल मीडियावर एक व्हिडिओ आला आहे, ज्यामध्ये शाहरुख खान पांढरा टी-शर्ट आणि शॉर्ट्समध्ये दिसत आहे. शाहरुख पहिल्यांदाच सार्वजनिकपणे शॉर्ट्समध्ये दिसला आहे.
लवकरच रिलीज होणार टीझर - दरम्यान निर्माते चित्रपटाचा पहिला टीझर रिलीज करण्याची तयारी करत आहेत, ज्यामध्ये शाहरुख खानचा दमदार अवतार पाहायला मिळणार आहे. हा टीझर 1 मिनिट 34 सेकंदाचा असल्याचे सांगण्यात येत आहे. मीडिया रिपोर्ट्सनुसार, चित्रपटांसाठी 25 टायटलवर चर्चा झाली होती, त्यानंतर या चित्रपटाचे नाव 'जवान' ठेवण्यात आले आहे.
पुन्हा डबल रोलमध्ये दिसणार शाहरुख खान - या चित्रपटात शाहरुख खानची दुहेरी भूमिका पाहायला मिळणार असल्याचे मीडिया रिपोर्ट्समध्ये म्हटले जात आहे. शाहरुखने अनेक चित्रपटांमध्ये दुहेरी भूमिका केल्या आहेत. अभिनेत्री नयनतारा पोलिस अधिकाऱ्याच्या भूमिकेत दिसणार असून या चित्रपटात प्रसिद्ध कॉमेडियन सुनील ग्रोव्हर आणि 'दंगल गर्ल' सान्या मल्होत्रा देखील दिसणार आहेत.
हेही वाचा - आरआरआर’ दिग्दर्शक एसएस राजामौली यांनी आमिर खानच्या लाल सिंग चड्ढाच्या ट्रेलरचे केले कौतुक!
