मुंबई - बॉलिवूड अभिनेत्री सारा अली खानने गुरुवारी दिग्दर्शक होमी अदजानियासोबत तिच्या आगामी चित्रपटाचे पहिले शेड्यूल पूर्ण केले. दिग्दर्शकाने त्याच्या इंस्टाग्राम अकाऊंटवरील इन्साटग्राम स्टोरीवर सारा अली खानसोबतचा स्वतःचा फोटो शेअर केला. ज्यामध्ये असे लिहिले आहे की, 'तू लहान बाळासारखी दिसत आहेस. तुझे पहिले वेळापत्रकात चांगले झाले... आता खरे काम सुरू होईल.'
सारा अली खानने ही स्टोरी पुन्हा शेअर केली आणि उत्तर दिले, 'विश्वासच बसत नाही हे पूर्ण झाले. फक्त तुमच्यावर प्रेम आहे.' फोटोत अभिनेत्री सारा अली खान दिग्दर्शकासोबत पोज देताना दिसत आहे. साराने अलीकडेच देशाची राजधानी दिल्लीत 'मर्डर मुबारक' नावाच्या चित्रपटाचे चित्रीकरण सुरू केले. चित्रपटात ‘सिम्बा’ अभिनेत्री सारा अलीसह करिश्मा कपूर ऑनस्क्रीन दिसणार आहे. करिश्माने काही दिवसांपूर्वी तिच्या इन्स्टाग्राम फीडवर चित्रपटाच्या सेटवरील क्लॅपरबोर्ड पोस्ट केला होता.
लेखक आणि दिग्दर्शक होमी अदजानिया - होमी अदजानिया हे एक अत्यंत संवेदनशील लेखक आणि दिग्दर्शक म्हणून ओळखले जातात. बॉलिवूडमध्ये त्यांनी रोमँटिक कॉमेडी कॉकटेल आणि फाइंडिंग फॅनी हे वेगळ्या पठडीतील चित्रपट दिग्दर्शित केलेले आहेत. त्यापूर्वी त्यांनी सैफ अली खान, नसीरुद्दीन शाह, डिंपल कपाडिया आणि बोमन इराणी यांच्या भूमिका असलेला इंग्रजी भाषेतील सायकॉलॉजिकल बीइंग सायरस २००६ मध्ये दिग्दर्शित करुन आपले या क्षेत्रात पदार्पण केले होते. या चित्रपटाला समिक्षकांनी खूप नावाजले होते.
कॉकटेल चित्रपटासाठी ओळखले जाणारे होमी अदजानिया हे निर्मिती होत असलेल्या चित्रपटाचे दिग्दर्शक आहेत. साराने या चित्रपटाबाबत काही विशेष खुलासा केलेला नाही. दरम्यान, ती विक्रांत मॅसी आणि चित्रांगदा सिंग यांच्यासोबत हाय-ऑक्टेन सस्पेन्स थ्रिलर 'गॅसलाइट'मध्ये काम करताना दिसणार आहे. हा बहुप्रतिक्षीत चित्रपट 31 मार्च रोजी ओटीटी प्लॅटफॉर्म हॉटस्टारवर वर प्रीमियर होणार आहे.
याशिवाय, लक्ष्मण उतेकर दिग्दर्शित आगामी रोमँटिक ड्रामामध्ये सारा अली खान विकी कौशलसोबत सहकलाकार करणार आहे. शिवाय, कन्नन अय्यर दिग्दर्शित 'ए वतन मेरे वतन' या आगामी चित्रपटात ती 1942 मधील भारत छोडो आंदोलनाच्या पार्श्वभूमीवर बेतलेल्या काल्पनिक कथेत एका साहसी स्वातंत्र्यसैनिकाची भूमिका साकारणार आहे. हा चित्रपट सत्य घटनांपासून प्रेरित आहे आणि करण जोहर आणि अपूर्व मेहता यांनी याची निर्मिती केली आहे.
हेही वाचा - Shubhangi Atre splits from husband : शुभांगी अत्रे उर्फ अंगूरी भाभीचा लग्नाच्या 19 वर्षानंतर काडीमोड
