मुंबई - 90 च्या दशकातील सुंदर अभिनेत्री काजोलचा आगामी चित्रपट 'सलाम वेंकी' चा ट्रेलर बालदिनाच्या निमित्ताने सोमवारी (14 नोव्हेंबर) रिलीज झाला आहे. काजोल या चित्रपटात एका धाडसी महिलेची भूमिका साकारत आहे, जी आपल्या मुलाच्या जीवघेण्या आजारासमोर भिंतीसारखी उभी आहे. चित्रपटाचा ट्रेलर भावनिक आणि जीवनाचे मार्मिक धडे शिकवणारा आहे. या चित्रपटाद्वारे काजोलने पुन्हा एकदा रुपेरी पडद्यावर धमाकेदार एन्ट्री करण्याची तयारी केली आहे.
- " class="align-text-top noRightClick twitterSection" data="">
कसा आहे चित्रपटाचा ट्रेलर? - 'सलाम वेंकी'चा 2.17 मिनिटांचा हा ट्रेलर आई आणि मुलीच्या कथेवर आधारित आहे. एक धाडसी आईच्या भूमिकेत काजोल तिच्या मुलाचे आयुष्य नव्याने बनवण्याच्या प्रक्रियेत आहे. काजोलचा मुलगा एका जीवघेण्या आजाराने त्रस्त आहे, त्याची काळजी घेण्यासाठी काजोल रात्रंदिवस मेहनत करत आहे. हा चित्रपट एका सत्य घटनेवर आधारित आहे. हा चित्रपट एका आईचा मुलांसाठी केलेला संघर्ष दर्शवतो.
चित्रपट कधी प्रदर्शित होणार? - प्रसिद्ध तमिळ अभिनेत्री रेवती हिने या चित्रपटाचे दिग्दर्शन केले आहे. हा चित्रपट यावर्षी 9 डिसेंबरला रिलीज होणार आहे. वर्क फ्रंटबद्दल बोलायचे झाले तर, काजोल लवकरच ओटीटीवरही पदार्पण करणार आहे. ही अभिनेत्री 'द गुड वाईफ - प्यार, कानून, धोखा' सोबत डिजिटल प्लॅटफॉर्मवर येण्यासाठी सज्ज झाली आहे.
आमिर खानची झलक - 'सलाम वेंकी'च्या ट्रेलरच्या शेवटी, काजोल रुग्णालयात तिच्या मुलाच्या बरे होण्यासाठी प्रार्थना करत आहे, या सीनमध्ये आमिर खानची झलकही पाहायला मिळाली आहे. चित्रपटाची कथा आणि ट्रेलरच्या कथानकावरून असे दिसून येते की आमिर या चित्रपटात काजोलच्या कुटुंबातील महत्त्वाच्या भूमिकेत दिसणार आहे.
हेही वाचा - बालदिन 2022 : मुलांचे भावविश्व उलगडणारे ५ बॉलिवूडपट अवश्य पाहा
