मुंबई : प्रियांका चोप्रा आणि निक जोन्स हे कपल सर्वात आवडत्या सेलिब्रिटी कपलपैकी एक आहेत. हे दोघे आपल्या सोशल मीडीया अकाउंटवरून एकमेकांवर प्रेमाचा वर्षाव करत असतात. आज पहाटे निक जोनसने आपल्या इंस्टाग्राम अकाउंटवर रोम असे शिर्षक देऊन एक सुंदर व्हिडीओ शेअर केला आहे. व्हिडिओमध्ये हे कपल इटलीच्या रस्त्यावर फिरताना किस करत एकत्र आइस्क्रीम खात असलेले दिसत आहेत. निकने गुलाबी शर्ट घातला होता तर प्रियांकाने काळ्या जाकीटसह हिरव्या रंगाचा ड्रेस परिधान केला होता. व्हिडिओ टाकल्यानंतर लगेचच चाहत्यांनी भरभरून कमेंट केल्या आहेत. त्या कमेंट्समध्ये रेड हर्ट आणि फायरच्या ईमोजींचा वर्षाव आहे.
- " class="align-text-top noRightClick twitterSection" data="
">
अशा केल्या कमेंट : एका चाहत्याने कमेंटमध्ये लिहिले की, परफेक्ट रिलेशनशिप, खूप गोड. दुसर्‍या चाहत्याने जगातील माझे आवडते जोडपे अशी कमेंट केली. OMG Coupleee goalssss असे एका चाहत्याने लिहिले. तुम्ही क्यूट आहात अशीही चाहत्याने कमेंट केली.
सरोगसीद्वारे मुलगी मालती मेरीचे स्वागत : प्रियांका आणि निक जोन्स यांचा विवाह 2 डिसेंबर 2018 रोजी राजस्थानमधील जोधपूर येथील प्रसिद्ध उम्मेद भवन पॅलेसमध्ये ख्रिश्चन आणि हिंदू रितीरिवाजांनुसार झाला. जानेवारी 2022 मध्ये दोघांनी जाहीर केले की ते सरोगसीद्वारे मुलगी मालती मेरीचे स्वागत करत आहेत.
वर्क फ्रंट : प्रियंका द रुसो ब्रदर्सच्या शो सिटाडेलचे शीर्षक करताना दिसत आहे. जो शुक्रवार, 28 एप्रिल रोजी प्राइम व्हिडिओवर विशेष प्रीमियर होईल, त्यानंतर दर शुक्रवारी एक नवीन भाग जारी केला जाईल. अ‍ॅक्शन-पॅक शो जागतिक गुप्तचर एजन्सी सिटाडेलच्या दोन उच्चभ्रू एजंट, मेसन केन (रिचर्ड मॅडेन) आणि नादिया सिंग (प्रियांका) भोवती फिरतो. शोबद्दल तपशील शेअर करताना प्रियंका म्हणाली, कथेचा स्टंटशी जवळचा संबंध आहे. आम्हाला पात्रांबद्दल बरेच काही पाहायला मिळते, ते शारीरिकरित्या कसे संवाद साधतात, केवळ उत्कृष्ट अ‍ॅक्शन सीक्वेन्सच नव्हे तर प्रत्येकाच्या हृदयातील नाटक. त्यामुळे सर्व स्टंटची एक प्रकारची कथा असते आणि ती माझ्यासाठी छान आणि नवीन होती.
हेही वाचा : Kisi Ka Bhai Kisi Ki Jaan : किसी का भाई किसी की जानचे दररोज 16000 शो, बॉक्स ऑफिसवर तडाखेबंद कमाईची शक्यता
