मुंबई - परिणीती चोप्रा आणि हार्डी संधू ( Parineeti Chopra and Harrdy Sandhu ) यांच्या प्रमुख भूमिका असलेला कोड नेम तिरंगा ( Code Name: Tiranga ) हा चित्रपट प्रदर्शनासाठी सज्ज झाला असून १४ ऑक्टोबर रोजी हा चित्रपट रिलीज होणार आहे. शरद केळकर, रजित कपूर, दिव्येंदू भट्टाचार्य, शिशिर शर्मा, सब्यसाची चक्रवर्ती आणि देश मारीवाला यांसारखे अनुभवी अभिनेते या चित्रपटासाठी एकत्र आले आहेत.
एक हेरगिरी अॅक्शन थ्रिलर असलेला कोड नेम तिरंगा ( Code Name: Tiranga ) ही एका गुप्तहेराची कथा आहे. तिच्या राष्ट्रासाठी काळाविरुद्धच्या शर्यतीत निर्भय होऊन बलिदानासाठी सज्ज झालेल्या गुप्तहेराची ही रंजक कथा आहे. परिणीती चोप्रा एका RAW एजंटची भूमिका साकारणार आहे जी अनेक देशांच्या आनंददायी प्रवासावर आहे. यात हार्डी संधू हा एक प्रस्थापित आणि लोकप्रिय गायक आहे, तो या चित्रपटात आपल्या अभिनय कौशल्याने प्रेक्षकांना आश्चर्यचकित करेल.
- " class="align-text-top noRightClick twitterSection" data="
">
या चित्रपटाचे निर्माता रिभु दासगुप्ता म्हणाले: "माझ्या पुढच्या चित्रपटाची घोषणा करताना मला आनंद होत आहे. कोड नेम तिरंगा, या 14 ऑक्टोबरला सिनेमागृहात प्रदर्शित होणार आहे. मला आशा आहे की प्रेक्षकांना या अॅक्शन मनोरंजनाचा आनंद मिळेल. आपल्या देशासाठी कर्तव्य बजावताना एका सैनिकाचे बलिदान." असे त्यांनी म्हटलंय.
दरम्यान, परिणीती चोप्रा ही निर्माता सूरज बडजात्याच्या आगामी कौटुंबिक मनोरंजक चित्रपट उंचाईमध्ये ( Uunchai ) दिसणार आहे, ज्यामध्ये अमिताभ बच्चन, अनुपम खेर आणि बोमन इराणी यांच्याही प्रमुख भूमिका आहेत. हा चित्रपट 14 नोव्हेंबर 2022 रोजी रिलीज होणार आहे.
परिणीतीने नुकतेच जाहीर केले की ती पूजा एंटरटेनमेंटच्या आगामी प्रोजेक्टसाठी पुन्हा एकदा अक्षय कुमारसोबत काम करण्यास सज्ज झाली आहे. हा शीर्षक न ठरलेला चित्रपट 2019 मधील सुपरहिट चित्रपट केसरी नंतर अक्षय आणि परिणीतीचा दुसरा सहयोग आहे. चित्रपटाची अधिकृत घोषणा अद्याप प्रतीक्षेत आहे.
हेही वाचा - कुबूल है फेम अभिनेत्री निशी सिंहचे वाढदिवसानंतर निधन, मनोरंजन जगतात शोककळा
