हैदराबाद - एकेकाळी तामिळ, मल्याळम, तेलुगु आणि कन्नडमधील मुख्य कलाकारांची नायिका असलेली ऐश्वर्या आता रस्त्यावर साबण विकून आपला उदरनिर्वाह भागवत आहे. तिने मल्याळम सुपरस्टार मोहनलाल आणि सुपरस्टार रजनीकांत यांच्यासोबत मुख्य भूमिका साकारली होती. पण आता ती पोटाची खळगी भरण्यासाठी शौचालये धुण्यासही तयार असल्याचे सांगते.
एका ऑनलाइन माध्यमाला दिलेल्या मुलाखतीत ऐश्वर्या भास्करने सांगितले की, तिच्याकडे नोकरी नाही, पैसा नाही आणि आता ती रस्त्यावर साबण विकून उदरनिर्वाह करत आहे.
चित्रपटांमधील तिच्या पीक टाइमनंतर, ऐश्वर्याने अनेक मालिकांमध्ये प्रमुख भूमिका केल्या आहेत. मात्र, ती फेव्हरेट लिस्टमधून बाहेर पडली आणि काही काळापासून मनोरंजन क्षेत्राच्या बाहेर आहे. आर्थिक अडचणींमुळे तिला उदरनिर्वाहासाठी रस्त्यावर साबण विकावे लागत आहे.
मुलाखतीत, ऐश्वर्याने पुन्हा अभिनय करण्याची तिची इच्छा व्यक्त केली आणि आशा व्यक्त केली की कोणीतरी तिच्याकडे ऑफर देईल.
"माझ्याकडे नोकरी, पैसा नाही आणि रस्त्यावर साबण विकत आहे. माझ्यावर कर्ज नाही आणि मी एकटी आहे. माझ्या मुलीचे लग्न झाले आणि ती सासरी गेली आहे. माझी कोणतीही नोकरी करायची तयारी आहे. तुम्ही मला तुमच्या संस्थेत नोकरी दिली तर , मी ते आनंदाने स्वीकारेन. मी टॉयलेट धुवून पुन्हा आनंदात राहीन," असे ऐश्वर्या म्हणाली.
हेही वाचा - करण जोहर आणि कार्तिक आर्यन इव्हेंटमध्ये एकत्र नाचल्यामुळे झाले ट्रोल
