मुंबई - माजी मिस वर्ल्ड आणि 'सम्राट पृथ्वीराज' चित्रपटातील संयोगिता मानुषी छिल्लरने तिच्या आगामी 'तेहरान' चित्रपटाच्या शूटिंगला सुरुवात केली आहे. या चित्रपटात तिच्यासोबत जॉन अब्राहम दिसणार आहे. चित्रपट निर्मात्यांनी मानुषीचे सेटवरील फोटो सोशल मीडियावर शेअर केले आहेत. यासोबतच अभिनेत्रीने तिच्या इंस्टाग्राम अकाउंटवर फोटोही पोस्ट केले आहेत. या चित्रपटाचे दिग्दर्शन अरुण गोपालन करत आहेत.
- " class="align-text-top noRightClick twitterSection" data="
">
इंस्टाग्राम अकाउंटवर दोन फोटो शेअर करत मानुषीने लिहिले - तेहरानमध्ये सहभागी होण्यासाठी खूप उत्सुक आहे. हा प्रवास खरोखरच खास असणार आहे. यासोबतच तिने तेहरान हा हॅश टॅग टाकताना जॉन अब्राहमलाही टॅग केले आहे. या चित्रपटाचे दिग्दर्शन अरुण गोपालन करत आहेत. त्याचबरोबर दिनेश विजान या चित्रपटाची निर्मिती करत आहेत. चित्रपटाची कथा आशिष प्रकाश वर्मा यांनी लिहिली आहे.
'तेहरान' चित्रपटातील जॉन अब्राहमचा फर्स्ट लूक यापूर्वीच रिलीज झाला आहे. यानंतर आता अभिनेत्री मानुषीचा लूकही समोर आला आहे. रिलीज झालेल्या फोटोमध्ये मानुषीने ब्लॅक चेक आउटफिटमध्ये दिसत आहे. यासोबतच तिने लहान केसही ठेवले आहेत. जॉनने गडद निळ्या रंगाचा डेनिम शर्ट घातला आहे. दोघांच्या हातात पिस्तुल आहेत. अॅक्शन थ्रिलर चित्रपटात दोघांचा लूक खूपच छान दिसत आहे.
हेही वाचा - 'मधुबाला' बायोपिकसाठी बहीण मधुर ब्रिजभूषणने कसली कंबर
