मुंबई - बॉलिवूडची टॉप रेटेड अभिनेत्री कॅटरिना कैफ आज (16 जुलै) तिचा 39 वा वाढदिवस साजरा करत आहे. 15 जुलै रोजी कॅटरिना पती विकी कौशलसोबत बर्थडे सेलिब्रेशनसाठी मालदीवला रवाना झाली होती. या खास प्रसंगी कॅटरिना कैफचे चाहते अभिनेत्रीचे जोरदार अभिनंदन करत आहेत. पण दरम्यान, कॅटरिना तिच्या वाढदिवसानिमित्त तिच्या चाहत्यांना एक मोठी आनंदाची बातमी देखील देऊ शकते, ज्याची चाहते आतुरतेने वाट पाहत आहेत.
खरेतर बऱ्याच दिवसांपासून कॅटरिना कैफबद्दलच्या काही बातम्या वेगाने पसरत आहेत. यात अशी चर्चा आहे की अभिनेत्री प्रेग्नंट आहे आणि ते जाहीर करण्यासाठी एका खास दिवसाची वाट पाहत आहे. अशा परिस्थितीत कॅटरिना आणि विकी वाढदिवसाच्या निमित्ताने चाहत्यांना गुड न्यूज देऊ शकतात असा अंदाज व्यक्त केला जात आहे.
कारण अलिकडेच रणबीर कपूर आणि आलिया भट्ट यांनी लग्नाच्या अडीच महिन्यांनंतरच गरोदरपणाची गोड बातमी देऊन चाहत्यांना आश्चर्यचकित केले होते. आता फॅन्स वाट पाहत आहेत की कॅटरिना कैफही त्यांना लवकरच गोड बातमी देईल.
विकी कौशल आणि कॅटरिना कैफ यांनी 9 डिसेंबर 2021 रोजी राजस्थानमध्ये शाही पद्धतीने लग्न केले. लग्नानंतर कॅटरिना कैफच्या प्रेग्नेंसीबद्दल अनेक अफवा पसरल्या होत्या.
सध्या, कॅटरिना आणि विकी तिचा वाढदिवस मालदीवमध्ये साजरा करत आहेत आणि हे जोडपे प्रेग्नन्सीची घोषणा कधी करणार याची त्यांचे चाहते वाट पाहत आहेत. मात्र कॅटरिना कैफ प्रेग्नंट आहे की नाही याबाबत अद्याप कोणतीही पुष्टी झालेली नाही. अशा परिस्थितीत जर कॅटरिना कैफने आज चाहत्यांना खुशखबर दिली नाही तर चाहत्यांना बरीच प्रतीक्षा करावी लागू शकते.
- " class="align-text-top noRightClick twitterSection" data="
">
वर्कफ्रंटबद्दल बोलायचे झाले तर, सध्या कॅटरिना कैफ तिच्या आगामी 'फोन भूत' चित्रपटामुळे चर्चेत आहे. अभिनेत्रीने तिच्या इंस्टाग्रामवर चित्रपटाची झलकही शेअर केली आहे. हा चित्रपट या वर्षी ४ नोव्हेंबरला प्रदर्शित होत आहे. या चित्रपटात तिच्यासोबत शाहिद कपूरचा भाऊ ईशान खट्टर आणि अभिनेता सिद्धांत चतुर्वेदी दिसणार आहेत.
हेही वाचा - ललीत मोदीसोबत लग्नाच्या चर्चेनंतर सुश्मिता सेनने अखेर सोडले मौन
