कार्तिक आर्यनच्या शेहजादाचा ट्रेलरची ठरली तारीख, पठाणसोबत थिएटरमध्ये दिसणार ट्रेलर

Shehzada Trailer Release Date OUT: कार्तिक आर्यनचा आगामी चित्रपट 'शेहजादा' च्या ट्रेलरची रिलीज डेट समोर आली आहे.या चित्रपटाचा ट्रेलर पठाण चित्रपटासोबत थिएटरमध्येही दाखवण्यात येणार आहे.

मुंबई - 'भूल भुलैया 2' या चित्रपटाच्या यशानंतर कार्तिक आर्यन सध्या त्याच्या आगामी 'शेहजादा' चित्रपटामुळे चर्चेत आहे. हा चित्रपट यावर्षी 10 फेब्रुवारीला रिलीज होणार आहे, परंतु यावेळी चर्चा या चित्रपटाच्या ट्रेलर लॉन्चची आहे. मीडिया रिपोर्ट्सनुसार शेहजादाचा ट्रेलर 12 जानेवारीला रिलीज होणार आहे. तर, बॉलीवूड सुपरस्टार शाहरुख खानचा चित्रपट 'पठाण' 25 जानेवारीला प्रदर्शित होत असताना, 'शेहजादा'चा ट्रेलर देखील थिएटरमध्ये दिसणार आहे.

• View this post on Instagram

  A post shared by KARTIK AARYAN (@kartikaaryan)

  " class="align-text-top noRightClick twitterSection" data="

  View this post on Instagram

  A post shared by KARTIK AARYAN (@kartikaaryan)

  ">

  View this post on Instagram

  A post shared by KARTIK AARYAN (@kartikaaryan)

रोहित धवन दिग्दर्शित शेहजादा - वरुण धवनचा मोठा भाऊ रोहित धवन याने 'शेहजादा' चित्रपटाचे दिग्दर्शन केले आहे. हा चित्रपट 10 फेब्रुवारी 2023 रोजी रिलीज होणार आहे. या चित्रपटात कार्तिक आर्यन व्यतिरिक्त क्रिती सेनॉन, मनीषा कोईराला, परेश रावल, रोनित रॉय आणि सचिन खेडेकर आणि अंकुर राठी हे कलाकारही महत्त्वाच्या भूमिकेत दिसणार आहेत.

'शेहजादा' हा रोमँटिक-ड्रामा चित्रपट आहे. याआधी हा चित्रपट नोव्हेंबर २०२२ ला चित्रपटगृहात प्रदर्शित होणार होता, पण नंतर काही कारणांमुळे चित्रपटाच्या प्रदर्शनाची तारीख पुढे ढकलण्यात आली.

'शेहजादा' हा अल्लू अर्जुनच्या चित्रपटाचा रिमेक आहे - 'शेहजादा' हा दक्षिण सुपरस्टार अल्लू अर्जुनचा 2020 चा सुपरहिट तेलगू चित्रपट अला वैकुंठापुरमुलूचा अधिकृत हिंदी रिमेक आहे. 'आला वैकुंठपुरमुलू'मध्ये अभिनेत्री तब्बूही महत्त्वाच्या भूमिकेत होती.

'शेहजादा'मध्ये कार्तिक बंटू नावाच्या व्यक्तिरेखेची भूमिका साकारणार आहे. रोहित धवन दिग्दर्शित या चित्रपटात कार्तिकसोबत क्रिती सेनॉनची जोडी पुन्हा एकदा पडद्यावर पाहायला मिळणार आहे.

या चित्रपटाचा फर्स्ट लूक नोव्हेंबर २०२२ मध्ये लाँच करण्यात आला होता. पहिल्या लूकमध्ये कार्तिक म्हणजेच बंटू गुंडांना मारहाण करताना दिसत आहे. यासोबतच त्यांचा एक दमदार संवादही आहे, 'जब बात फैमिली पर आ जाए तो चर्चा नहीं करते, एक्शन करते हैं.''

कार्तिकचा वर्कफ्रंट - वर्क फ्रंटवर, कार्तिक सध्या कियारा अडवाणीसोबत 'सत्यप्रेम की कथा' या संगीतमय रोमँटिक गाथा चित्रपटाच्या शूटिंगमध्ये व्यस्त आहे. या चित्रपटाचे दिग्दर्शन समीर विध्वंस करत आहेत. हा चित्रपट 29 जून 2023 रोजी प्रदर्शित होणार आहे. याशिवाय कार्तिक 'फ्रेडी' या रोमँटिक थ्रिलर चित्रपटात अभिनेत्री आलिया एफसोबत झळकला आहे. हा चित्रपट 2 डिसेंबर 2022 पासून OTT प्लॅटफॉर्म Disney + Hotstar वर विशेष प्रवाहित झाला होता. याशिवाय हेरा-फेरी-3, शहजादा आणि आशिकी-3 हे देखील कार्तिकच्या बॅगमध्ये आहेत.