मुंबई - बॉलिवूड अभिनेत्री काजोलने पुन्हा एकदा पडद्यावर पुनरागमन केले आहे. यावेळी ती द ट्रायल - प्यार, कानून धोखा या क्राईम ड्रामा चित्रपटाद्वारे तिच्या चाहत्यांना भुलवण्यासाठी सज्ज झाली आहे. शोबद्दल बोलताना, काजोलने तिच्या वैयक्तिक आयुष्यावरही प्रकाश टाकला. काजोल तिच्या कारकिर्दीच्या शिखरावर लग्न केले. त्यावेळी तिच्या वडिलांनी तिला चित्रपट उद्योगात प्रवेश करण्याच्या निर्णयाबद्दल खूप काळजीपूर्वक विचार करण्याचा सल्ला दिला होता..
काजोलचा आगामी द ट्रायल हा चित्रपट द गुड वाईफ चित्रपटाचे भारतीय रूपांतर आहे, यामध्ये ती एका वकिलाची भूमिका साकारताना दिसणार आहे. यामध्ये एक पत्नी म्हणून तिला कठीण निर्णयांना सामोरे जावे लागते. नुकत्याच झालेल्या एका मुलाखतीत, काजोलने तिच्या वैयक्तिक आयुष्याकडे लक्ष वेधले आणि सांगितले की 'तिच्या कारकिर्दीच्या वरच्या टप्यावर लग्न करण्याचा निर्णय घेणे तिच्यासाठी खूप कठीण बनले होते.
'खरं तर, माझ्या आयुष्यातील अनेक घटनांनी मला कठीण निर्णय घेण्यास भाग पाडले. हे माझ्यासाठी गेम चेंजर होते कारण मला चित्रपट उद्योगात सामील व्हायचंय की नाही हे मला माहित नव्हते कारण मी माझ्या करिअरच्या शिखरावर लग्न केले आहे, ' असे ती म्हणाली. अभिनेत्री काजोलने बॉलिवूड सुपरस्टार अजय देवगणसोबत लग्न केले आहे. अनेक वर्षे डेटिंग केल्यानंतर 1999 मध्ये त्यांनी लग्न गाठ बांधली होती.
काजोलने पुढे सांगितले की तिच्या वडिलांनी तिला चित्रपट व्यवसायात प्रवेश करण्याबाबत काळजीपूर्वक विचार करण्याचा सल्ला दिला होता. ते म्हणाले होते की या क्षेत्रात एकदा मेकअप केला की तो रंग कधीच काढत नाहीत. एकदा चेहऱ्याला रंग लागला की तो कायमचा असतो. यावर तिने मनाचा निश्चिय केला होता की मला जेव्हा वाटेल तेव्हा मी हा रंग उतरवू शकतो.
काळाच्या ओघात आपल्या वडिलांनी मांडलेले मत खरे होते याचा प्रत्यय काजोलला आला आहे. सध्याच्या प्रोजेक्टबद्दल बोलताना ती म्हणाली की, तिने मूळ पहिली मालिका पाहिली आणि तिला 'ती आवडली'. काजोलने उघड केले की तिचे हिंदीमध्ये भाषांतर कसे केले जाईल याबद्दल तिला चिंता वाटत होती. द ट्रायलच्या ट्रेलरच्या अनावरणाच्या वेळी, तिने या मालिकेबद्दल सांगितले, 'ही व्यक्तीरेखा विलक्षण होते; संकल्पना विलक्षण होती, परंतु मला उत्सुकता होती की ते हिंदीमध्ये कसे रुपांतरित केले जाईल. सुपर्ण येतो आणि कथेला सुरुवात होते. माझ्याबाबत बोलायचे तर कोणतीही कथा कधीच एका पात्राची नसते.'
