मुंबई - रणबीर कपूर चार वर्षांनंतर 'शमशेरा' या मोठ्या चित्रपटातून मोठ्या पडद्यावर परतला आहे. पण रणबीर कपूरकडून प्रेक्षकांच्या सर्व अपेक्षा धुळीला मिळाल्या. हा चित्रपट 22 जुलै रोजी जगभरातील चित्रपटगृहात प्रदर्शित झाला. 150 कोटींच्या बजेटमध्ये बनलेल्या या चित्रपटाने पाच दिवसांतच बॉक्स ऑफिसवर गुढगे टेकले आहेत. आता चित्रपट फ्लॉप झाल्यानंतर चित्रपटाचा दिग्दर्शक करण मल्होत्राने सोशल मीडियावर आपली व्यथा मांडली आहे. चित्रपट फ्लॉप झाल्याने दिग्दर्शक दुखावला आहे.
'तू माझा आहेस शमशेरा' - यासंदर्भात करणने त्याच्या इंस्टाग्राम अकाऊंटवर लिहिले की, 'माझ्या प्रिय शमशेरा तू स्टनिंग आहेस, या प्लॅटफॉर्मवर स्वत:ला सिद्ध करणं माझ्यासाठी खूप महत्त्वाचं आहे, कारण हीच ती जागा आहे जिथे तुझ्याबद्दल प्रेम, द्वेष, उत्सव आणि अपमान सगळंच आहे, गेल्या काही दिवसांपासून तुला असेच सोडून गेल्याबद्दल मी तुझी पुन्हा पुन्हा माफी मागतो, कारण तो द्वेष आणि राग मला सहन होत नव्हता.
- " class="align-text-top noRightClick twitterSection" data="
">
'हे प्रेम कोणीही हिरावून घेऊ शकणार नाही' - करण मल्होत्राने पुढे खिन्नपणे लिहिले की, 'अशाप्रकारे संबंध तोडणे ही माझी कमजोरी होती आणि त्यासाठी कोणतेही कारण नाही, पण आता मी येथे आहे, तुझ्यासोबत उभा आहे, मला अभिमान आणि सन्मान वाटत आहे. की तू माझा आहेस, चांगल्या-वाईट आणि कुरूप प्रत्येक गोष्टीला आपण एकत्र सामोरे जाऊ आणि शमशेरा परिवार, शमशेराचे कलाकार आणि क्रूचे खूप धन्यवाद, आमच्यावर असलेले प्रेम, काळजी आणि आशीर्वाद कायम राखले, तो मौल्यवान आहे आणि कोणीही तिला आपल्यापासून दूर करू शकणार नाही.
'शमशेरा'ची कमाई - रणबीर कपूर, वाणी कपूर, संजय दत्त, रोनित रॉय आणि सौरभ शुक्ला यांसारख्या दिग्गज कलाकारांनी सजलेल्या 'शमशेरा' चित्रपटाने पाच दिवसांत ५० कोटींचा आकडाही गाठलेला नाही. मीडिया रिपोर्ट्सनुसार, गेल्या सोमवारी चित्रपटाच्या कमाईत 65 टक्क्यांनी घट झाली असून चित्रपटाची एकूण कमाई केवळ 36 कोटी आहे. अशा परिस्थितीत 150 कोटींमध्ये बनलेला हा चित्रपट आपत्तीच्या गर्तेत कोसळला आहे.
हेही वाचा - 'गांधी' मालिकेचे दिग्दर्शन करणार हंसल मेहता, प्रतीक साकारणार 'महात्मा गांधी'
