मुंबई : १९७१ मधील भारत-पाक युद्धाचे नायक भैरोसिंग राठौर यांचे निधन झाले. वयाच्या 80 व्या वर्षी त्यांनी अखेरचा श्वास घेतला. त्यांना 27 सप्टेंबर रोजी छातीत दुखू लागल्याने आणि तापाच्या तक्रारीनंतर जोधपूरच्या एम्स रुग्णालयात दाखल करण्यात आले होते. उपचारानंतर काही दिवसांतच त्यांना येथून डिस्चार्ज देण्यात आला, मात्र पुन्हा त्यांची प्रकृती खालावल्याने त्यांना पुन्हा दाखल करावे लागले. एम्स प्रशासनाने भैरोसिंग यांना दाखल केल्यानंतर त्यांच्यावर मोफत उपचार करण्याचा निर्णय घेतला होता. विशेष म्हणजे 1963 मध्ये भरती झालेले भैरोसिंग 31 डिसेंबर 1987 रोजी बीएसएफमधून निवृत्त झाले. अभिनेता सुनील शेट्टीने 1997 मध्ये प्रदर्शित झालेल्या 'बॉर्डर' चित्रपटात भैरोंसिंहची दमदार भूमिका साकारली होती.
भैरोसिंह यांच्या मृत्यूची माहिती मिळताच बीएसएफसह अधिकारी जवान रुग्णालयात पोहोचले आणि त्यांना अखेरचा निरोप दिला. जेपी दत्ता दिग्दर्शित 'बॉर्डर' या चित्रपटात सुनील शेट्टीने भैरोसिंगची उत्तम भूमिका साकारली होती, या चित्रपटात भैरोसिंगची व्यक्तिरेखा मारली गेली असली तरी खऱ्या आयुष्यात भैरोसिंग यांचे आता निधन झाले आहे.
सैन्यातून निवृत्त झाल्यानंतर भैरोसिंग हे अज्ञाताचे जीवन जगत होते. भैरोसिंह राठौर यांचा जन्म शेरगडच्या सोलंकियातला गावात झाला. ते 1971 च्या युद्धात जैसलमेरच्या लोंगेवाला पोस्टवर 14 बटालियनमध्ये तैनात होते. या युद्धात भैरोसिंगने शत्रूंचा मुकाबला करून त्यांना नामोहरम केले होते. मेजर कुलदीप सिंग यांच्या 120 सैनिकांच्या तुकडीसह त्यांनी शत्रूंचा जोरदार मुकाबला केला.
या युद्धात भैरोसिंग MFG च्या जवळपास 30 पाकिस्तानी शत्रूंना त्याच्या बंदुकीने उडवून देण्यात आल्याचे सांगण्यात येत आहे. १९७१ च्या युद्धातील शौर्याबद्दल राठोड यांना तत्कालीन मुख्यमंत्री बरकतुल्ला खान यांनी सेना पदकही दिले होते. आता या खऱ्या नायकाला त्याच्या मूळ गावातच मोठ्या सन्मानाने अंतिम निरोप देण्यात येणार आहे.
लोंगेवालाच्या युद्धात भारताला शत्रूविरुद्ध ऐतिहासिक विजय मिळाला. विशेष म्हणजे हे जगातील एकमेव युद्ध होते जे केवळ 13 दिवस लढले गेले. १६ डिसेंबर १९७१ रोजी पाकिस्तानने आपल्या सैनिकांसह भारतासमोर आत्मसमर्पण केले होते. तेव्हापासून हा दिवस विजय दिवस म्हणून साजरा केला जातो.
हेही वाचा - Surya Movie : 'सुर्या'मध्ये मिस इंडिया अमृता पत्की थिरकणार आयटम साँगवर!
