मुंबई - 'किंग खान'चे लाखो चाहते बॉलिवूडचा 'बादशाह' शाहरुख खानच्या बहुप्रतिक्षित 'पठाण' या चित्रपटाची वाट पाहत आहेत, मात्र त्याआधीच शाहरुखने चाहत्यांना एक मोठी भेट दिली आहे. शाहरुख, दीपिका पदुकोण आणि जॉन अब्राहम यांच्या मुख्य भूमिका असलेल्या 'पठाण' चित्रपटातील 'बेशरम रंग' हे पहिले गाणे १२ डिसेंबरला रिलीज झाले आहे. या चित्रपटाचे पहिले गाणे १२ डिसेंबरला प्रदर्शित होणार असल्याची माहिती खुद्द शाहरुखने एका पोस्टद्वारे दिली होती. हे गाणे विशाल-शेखर या प्रसिद्ध संगीतकार जोडीने संगीतबद्ध केले आहे. शाहरुख-दीपिकाने या गाण्यात रंगत आणली आहे.
- " class="align-text-top noRightClick twitterSection" data="">
शाहरुख खान आणि दीपिका पदुकोण स्टारर 'पठाण'चे पहिले रोमँटिक गाणे 'बेशरम रंग' 12 डिसेंबर रोजी सकाळी 11 वाजता रिलीज झाले आहे. या गाण्यात दीपिका पदुकोणचा सिझलिंग अवतार पाहायला मिळत आहे. गाण्यात दीपिका हॉट बिकिनी आणि मोनोकिनी परिधान करताना दिसत आहे. त्याचबरोबर शाहरुख खानही त्याच्या मस्त अंदाजात दिसत आहे. हे गाणे शिल्पा आणि कुमार यांनी गायले आहे. विशाल-शेखरने त्यांच्या संगीताने सजवले आहे. 'बेशरम रंग' हे गाणे 'हमने तो लूट लिया मिलाक हसन वाले ने' या गाण्याची आठवण करून देते. गाण्यात दीपिका आणि शाहरुख खानची जोडी अप्रतिम दिसत आहे.
'पठाण' कधी रिलीज होणार? - शाहरुख खान चार वर्षांनंतर त्याच्या चित्रपटात अभिनेता म्हणून दिसणार आहे. शाहरुख शेवटचा 'झिरो' (2018) चित्रपटात दिसला होता. हा चित्रपट बॉक्स ऑफिसवर फ्लॉप झाला आणि त्यानंतर शाहरुखने ब्रेक घेतला.
आता शाहरुख खान दमदार शरीरयष्टी करून 'पठाण' चित्रपटातून मोठ्या पडद्यावर धमाकेदार कमबॅक करण्यासाठी सज्ज झाला आहे. हा चित्रपट 25 जानेवारी 2023 रोजी प्रजासत्ताक दिनाच्या मुहूर्तावर जगभरातील चित्रपटगृहात प्रदर्शित होणार आहे. हा चित्रपट यशराज बॅनरखाली बनला असून चित्रपटाचे दिग्दर्शन सिद्धार्थ आनंद यांनी केले आहे.
हेही वाचा - वाढदिवस विशेष : घरातही मराठीत बोलतो रजनीकांत, कुलदैवत जेजुरीचा खंडोबा !!
