मुंबई : बॉलिवूडमध्ये पुन्हा एकदा लग्नसराईचा हंगाम सुरू होणार आहे. सध्या क्रिकेट बॉलिवुड कपल केएल राहुल आणि अथिया शेट्टी यांच्या लग्नाची सर्वाधिक चर्चा आहे. या जोडप्याच्या लग्नाची गेल्या अनेक दिवसांपासून जोरदार चर्चा होत असून आता त्यांच्या लग्नाची तारीख समोर आली आहे. विशेष म्हणजे टीम इंडियाचा सलामीवीर केएल राहुल आणि बॉलीवूड स्टार सुनील शेट्टीची मुलगी अथिया शेट्टी यांचा विवाह जानेवारी महिन्यात होणार आहे.
लग्नाची तारीख ठरली - मीडिया रिपोर्ट्सनुसार, केएल राहुल आणि अथिया शेट्टीचे लग्न 23 जानेवारी रोजी खंडाळा येथील सुनील शेट्टीच्या बंगल्यावर होणार आहे, परंतु अद्यापपर्यंत दोघांच्या कुटुंबीयांकडून कोणतेही वक्तव्य आलेले नाही आणि या लग्नाच्या तारखेवर शिक्कामोर्तब झाले आहे. लग्नाचे विधी तीन दिवस चालणार असल्याचे सांगण्यात येत आहे. 21 ते 23 जानेवारी दरम्यान लग्नाचे सर्व विधी पार पडणार आहेत.
- " class="align-text-top noRightClick twitterSection" data="
">
पाहा पाहुण्यांची यादी - केएल राहुल आणि अथियाच्या शाही लग्नाची तयारी सुरू झाली असून बॉलिवूडच्या या शाही लग्नाला येणाऱ्या काही प्रसिद्ध पाहुण्यांची नावेही समोर आली आहेत. यामध्ये सलमान खान, अक्षय कुमार, जॅकी श्रॉफ, महेंद्रसिंग धोनी आणि विराट कोहली यांच्यासह अनेक मोठ्या नावांचा समावेश पाहुण्यांच्या यादीत असल्याचं म्हटलं जात आहे.
केएल राहुल आणि अथिया शेट्टी बऱ्याच काळापासून एकमेकांना डेट करत आहेत आणि 2022 मध्ये ऑस्ट्रेलियात झालेल्या टी-20 वर्ल्डमध्येही दोघे एकत्र दिसले होते. येथे दोघांनी एकत्र वाढदिवसही साजरा केला. दोघांनाही सोशल मीडियावर एकमेकांच्या पोस्ट लाइक करतात आणि आता हे कपल त्यांचे सुंदर आणि रोमँटिक फोटो देखील शेअर करत आहेत.
राहुल आणि अथिया या लव्हबर्ड्सबद्दल बोलायचे तर या जोडप्याने मागील वर्षी त्यांचे नाते अधिकृत केले होते. राहुलने अथियाचा भाऊ अहान शेट्टीचा पहिला चित्रपट 'तडप'च्या प्रीमियरलाही हजेरी लावली होती. हे जोडपे नुकतेच म्युनिक, जर्मनीला गेले होते जिथे राहुलवर शस्त्रक्रिया झाली होती.
दरम्यान, सुनील शेट्टीची मुलगी अथियाने अलीकडेच यूट्यूबवर पदार्पण केले आहे. अलिकडेच ती नवाजुद्दीन सिद्दीकी सोबत मोतीचूर चकनाचूरमध्ये शेवटचे दिसली होती. तिने 2015 साली सलमान खानच्या सूरज पांचोली सोबत 'हिरो' या चित्रपटातून पदार्पण केले. हा चित्रपट बॉक्स ऑफिसवर प्रेक्षकांना प्रभावित करण्यात अपयशी ठरला होता.
हेही वाचा - Swarajya Kanika Jiu Announced :जिजाऊंची यशोगाथा मोठ्या पडद्यावर, 'स्वराज्य कनिका जिऊ' चित्रपटाची घोषणा
