मुंबई : अल्पवयीन 10 वर्षांच्या मुलीवर लैंगिक अत्याचार केल्या प्रकरणात आरोपी वडिलाला मुंबई सत्र न्यायालयातील विशेष पोक्सो न्यायालयाने दोषी ठरवले आहे. पीडित मुलीच्या आरोपी वडिलांना 10 वर्षांची सक्षम कारावासाची शिक्षा सुनावली आहे. बांद्रा पोलिसांमध्ये 2014 मध्ये आरोपी विरोधात गुन्हा दाखल करण्यात ( Special POCSO Court in Mumbai Sessions Court ) आला होता.
मुंबई सत्र न्यायालयाने नोंदवले हे निरीक्षण : मुंबई सत्र न्यायालयातील विशेष न्यायाधीशांनी निकाल देताना, असे निरीक्षण नोंदवले की, आरोपीने सांगितलेले कारण सत्य असल्याचा कुठलाही पुरावा नाही. तसेच, कोणतीही पत्नी, पतीवर आरोप करण्यासाठी मुलीचा अशा प्रकारे वापर करू शकत नाही. हे कुटुंबावर कलंक असल्यासारखे आहे. कोणतीही आई तिच्या मुलीच्या सन्मानाचा पर्दाफाश करणार नाही. तिच्या पतीकडून खर्चाचा तपशील मागितल्याच्या कारणास्तव किंवा कोणाशीही तिचे प्रेमसंबंध लपविण्याच्या कारणास्तव कुटुंबाला समाजाकडून निषेधाचा धोका पत्करावा लागणार नाही, असे न्यायालयाने निरीक्षण नोंदवले आहे.
आरोपी वडिलांची याचिका कोर्टाने फेटाळून लावली : आरोपी वडिलांच्या वतीने अशी एकच गोष्ट करण्यात आली होती की, पत्नीने दाखल केलेली तक्रार ही पत्नीचे इतर व्यक्तीसोबत विवाह संबंध आहेत. पत्नीजवळ खर्चाचा पैशाचा हिशोब मागितला. तो लपवण्यासाठी खोटे आरोपात गुंतवण्यात येत असल्याचा आरोप आरोपीच्या वतीने कोर्टासमोर करण्यात आला होता. मात्र, न्यायालयाने आरोपीचे आरोपामध्ये कुठलेही ठोस पुरावे नसल्यामुळे सर्व आरोप फेटाळून लावले होते.
मुलीच्या आईने केली होती वांद्रे पोलीस ठाण्यात तक्रार : मुलीच्या आईने आरोपीच्या पत्नीने 13 जानेवारी 2014 रोजी वांद्रे पोलिस ठाण्यात तक्रार केली होती. त्यात असे म्हटले आले होते की, पीडित मुलीचा तिच्या वडिलांकडून वारंवार लैंगिक अत्याचार करण्यात आला आहे. तसेच तक्रारीत म्हटले होते की, आरोपी हे तेल ड्रिलिंग कंपनीच्या खासगी जहाजावर सेफ्टी इंडक्शन, हेलिकॉप्टर ट्रॅव्हल आणि एस्केप आणि समुद्रात टिकून राहण्याचे प्रशिक्षण घेतलेले तज्ज्ञ म्हणून काम करीत होते. तो जहाजावर सौदी अरेबियात ड्युटीवर होता एक महिन्यानंतर मुंबईत कुटुंबासोबत राहत होता.
नराधम बापाकडून 7 ते 8 वर्षांपासून मुलीवर अत्याचार : अल्पवयीन पीडित मुलीने आईला सांगितले होते की, आरोपी वडिलांनी 7/8 वर्षांपासून आपल्यावर लैंगिक अत्याचार करीत आहे. पीडित मुलीने असा दावा केला की आरोपीचे सर्व कृत्य ती सहन करीत असे कारण ते तिचे वडील आहेत. आरोपी वडील पीडित मुलीला मारहाण करीत. तसेच पीडित तरुणीचे पुढील शिक्षण थांबवेल या भीतीने पीडित मुलीला अनेकदा दारूचे सेवन केले होते.
दारूच्या नशेत केले अत्याचार : पीडित मुलीच्या आईने तक्रारीत दावा केला की पीडितेने अत्याचार कथन केल्यानंतर आई 12 जानेवारी 2014 रोजी सल्ल्यासाठी पोलिस ठाण्यात गेली. परंतु, गुन्हा न नोंदवल्याने ती परत आली. दुसऱ्या दिवशी जेव्हा आरोपी आला तेव्हा तिने त्याला गाठले, त्याने दारूच्या नशेत मुलीवर अत्याचार केल्याचे त्याने कबूल केले. तेव्हा आईने गुन्हा दाखल केला.
अल्पवयीन मुलीवर वारंवार नराधम बाप अत्याचार करीत राहिला : खटल्याच्या वेळी आरोपींनी गुन्हा नोंदविण्यास विलंब झाल्याचा बचाव केला. न्यायालयाने बचाव फेटाळून लावला की सध्याच्या खटल्यातील विलंब योग्य प्रकारे स्पष्ट करण्यात आला आहे. आरोपी हा कुटुंबातील एकमेव कमावता होता. प्राथमिक घटना घडली तेव्हा पीडितेचे वय अंदाजे 10 वर्षे होते. आरोपी तिच्यासोबत काय करीत होता हे तिला समजू शकले नाही. तिचे वडील असलेल्या आरोपीला ती प्रतिकार करू शकली नाही. नववीत असताना तिला लैंगिक शिक्षण देण्यात आले तेव्हाच तिला आरोपींनी केलेल्या घृणास्पद कृत्यांचे स्वरूप कळले असेही न्यायालयाने म्हटले आहे.
