सोलापूर - राष्ट्रवादी काँग्रेस अध्यक्ष शरद पवार यांनी आज सांगोला तालुक्यातील दुष्काळी परिस्थितीची पाहणी केली. यावेळी शरद पवार यांनी सांगोला तालुक्यातील छावण्यांमध्ये जाऊन जनावरांच्या चाऱ्याची परिस्थिती जाणून घेतली. यावेळी त्यांनी शेतकर्‍यांच्या समस्या काय आहेत? याबद्दल जाणून घेतले.
राष्ट्रवादी काँग्रेस अध्यक्ष शरद पवार यांचा सांगोला दौैरा
शरद पवार यांनी काल २९ एप्रिलला मुंबई येथे मतदान केले. आज (मंगळवार) सांगोला तालुक्यातील चारा छावणीमध्ये आणि अजनाळे गावातील दुष्काळामुळे जळालेल्या डाळिंबाच्या बागेला भेट दिली. यावेळी त्यांच्यासोबत सांगोल्याचे आमदार गणपतराव देशमुख, पंढरपूरचे आमदार भारत भालके, राष्ट्रवादी काँग्रेसचे जिल्हाध्यक्ष दीपक आबा साळुंखे-पाटील आणि राष्ट्रवादी काँग्रेसचे पदाधिकारी उपस्थित होते.
