पुणे- पुण्यातील बालेवाडी येथील दसरा चौक येथे रात्री सव्वानऊ वाजता एका दुकानात अचानक लाग लागल्याची घटना घडली. या आगीत 6 ते 7 दुकाने जळून खाक झाली आहे. या आगीत जीवितहानी झालेली नाही मात्र मोठ्या प्रमाणावर आर्थिक नुकसान झाले आहे.
बालेवाडी दसरा चौकातील दुकानाला लागली आग; आगीत जवळची 6 ते 7 दुकाने जळून खाक
आग लागलेल्या ठिकाणी अनधिकृतपणे छोट्या गॅसच्या टाक्यांमध्ये गॅस भरला जायचा. लॉकडाऊन असल्याने दुकाने बंद असल्याने जीवितहानी झाली नाही. घटनास्थळी अग्निशामक दलाच्या 4 गाड्या झाल्याने आग आटोक्यात आली.
आगीत 4 ते 5 सिलींडरचे स्फोट झाल्याची प्राथमिक माहिती समोर आली आहे. याच ठिकाणी रोज भाजी खरेदी साठी नागरिक येत असत. मात्र, कोरोनाचा वाढता प्रादुर्भाव लक्षात घेत सर्व दुकाने बंद असल्याने जीवितहानी झाली नाही.
