पणजी - भाजपाच्या मंत्रिमंडळातील एका मंत्र्याने एका महिलेवर लैंगिक अत्याचार करून गर्भपात करण्यासाठी धमकवल्याचा आरोप काँग्रेस पक्षाने ( Congress Allegation on BJP Minister ) केला आहे. मात्र सदर मंत्र्यांचे नाव घेण्यास काँग्रेसने नकार दिला.
मंत्रिमंडळातून हाकलून न लावल्यास काँग्रेस करणार तीव्र निषेध -
काँग्रेसचे प्रदेशाध्यक्ष गिरीश चोदणकार व महिला अध्यक्ष बिना नाईक यांनी आज पत्रकार परिषद घेऊन हे आरोप केले आहेत. मुख्यमंत्री डॉ. प्रमोद सावंत यांनी या मंत्र्याला मंत्रिमंडळातून हाकलून न लावल्यास काँग्रेस याचा तीव्र निषेध करणार असल्याचे काँग्रेसने सांगितले. 19 डिसेंबरला पंतप्रधान नरेंद्र मोदी राज्याच्या दौऱ्यावर येणार आहेत मात्र भाजपा नेत्याच्या या कृत्यामुळे पंतप्रधान नरेंद्र मोदी यांना अर्ध्या रस्त्यातूनच परत न जाण्याची वाईट वेळ भाजपाने आणू नये अशी खोचक टीकाही काँग्रेसने केली आहे.
दरम्यान, या प्रकरणात भाजपाशी काँग्रेसच्या काही पदाधिकाऱ्यांनी सेटलमेंट केल्याचा प्रयत्न केला होता का, याविषयीचा प्रश्न पत्रकारांनी उपस्थित केला. मात्र त्याविषयी आपणास काहीही माहिती नसल्याचे चोदणकार यांनी सांगितले.
हेही वाचा - Chandiwal Commission : अनिल देशमुख, परमवीर सिंग, सचिन वाझेंची एकत्रित चौकशी होणार
हेही वाचा - GOA ELECTION : भाजपाचे 7 ते 8 आमदार काँग्रेसच्या वाटेवर - गिरीश चोदनकर
