नागपूर - संधी मिळाल्यास राजकारण सोडून समाजसेवा करायला आवडेल, असे वक्तव्य केंद्रीय मंत्री नितीन गडकरी यांनी केले आहे. ते 'एक पहल अभिनव गाव की ओर' या कार्यक्रमात बोलत होते. यावेळी कार्यक्रमाला जेष्ठ सिने कलाकार नाना पाटेकर हे देखील उपस्थित होते. चिटणीस सेंटरमध्ये आयोजित 'एक पहल अभिनव गाव की ओर' या कार्यक्रमात केंद्रीय मंत्री नितीन गडकरी आणि जेष्ठ अभिनेते नाना पाटेकर यांची विस्तृत मुलाखत झाली, ज्यामध्ये बोलताना दोघांनीही आपल्या-आपल्या क्षेत्रातील अनुभव कथन केले.
हेही वाचा - अमरावतीच्या सायकल मॅरेथॉनमध्ये खासदार नवनीत राणांनी चालवली सायकल
केंद्रीय मंत्री नितीन गडकरी हे राजकारणासोबतच समाजकारण आणि नाविन्यपूर्ण प्रयोग करण्यासाठी देखील प्रसिद्ध आहेत. समाज जिवनात वावरतांना 80 टक्के समाजकारण आणि 20 टक्के राजकारण करत असल्याचे ते सांगत असतात. दरम्यान, नागपूरच्या चिटणीस सेंटरमध्ये 'एक पहल अभिनव गाव की ओर' या कार्यक्रमात बोलताना देखील केंद्रीय मंत्री नितीन गडकरी यांनी या वाक्याचा पुनरुच्चार केला. ते म्हणाले की, 'मला संधी मिळाल्यास राजकारण सोडून समाजसेवा करायला नक्की आवडेल'.
हेही वाचा - भारतीय लष्कर आणि राजकारण!
याच कार्यक्रमात बोलतांना नाना पाटेकर म्हणाले, 'नितीन गडकरी असं व्यक्तिमत्व आहे ते ज्या कामाला हात लावतात ते सहज पूर्ण होतं'. राजकारण करत असताना गडकरी प्रेमाने दुसऱ्याचे कान टोचतात. मात्र, विरोधक सुद्धा त्यांचा विरोध करत नाही. नाम फाउंडेशनच्या माध्यमातून आम्ही शेतकऱ्यांसाठी काम करायला सुरुवात केली आणि 60 कोटी रुपये सामान्य लोकांनीच या उपक्रमासाठी दिलेत, हे सगळ्यात मोठ यश आहे. प्रत्येक गोष्टीसाठी सरकारवर अवलंबून राहण्यापेक्षा जेवढे जमेल तेवढे आपण करावे, नोकऱ्या कमी होतात त्यामुळे आपण उद्योजक नोकरी देणारे कसे होऊ हे बघितले पाहिजे. सोबतच शेतकऱ्यांच्या मालाला अजून भाव मिळत नाही, पण मॉलमध्ये जाऊन आपण त्या मालाला किंमत देता. त्यामुळे नागरिकांनीच आपल्या शेतकऱ्यांचा माल खरेदी करण्याचा प्रयत्न केला पाहिजे. असे नाना यावेळी बोलतांना म्हणाले.
हेही वाचा - शिर्डी-पाथरी वाद : नाना पटोलेंची प्रतिक्रिया...
