आरेतील वृक्षतोड रोखण्यासाठी भर पावसात आदिवासी नागरिकांची निदर्शने

यावेळी शिवसेनेचे खासदार गजानन कीर्तिकर व युवासेनेचे पदाधिकारी कारशेड परीसरात वृक्षतोडीला विरोध करण्यास आले होते. मात्र, पर्यावरणप्रेमी नागरिकांनी शिवसेनेच्या विरोधातही घोषणाबाजी करत त्यांना तेथून जाण्यास सांगितले.

मुंबई - मेट्रो प्रकल्पासाठी आरेमध्ये वृक्षतोडीचा निर्णय घेण्यात आल्यामुळे आज पुन्हा एकदा कारशेड परिसरात पुन्हा आंदोलन करण्यात आले आहे. पर्यावरणप्रेमी आणि स्थानिक आदिवासी नागरिकांनी भर पावसात मानवी साखळी उभारुन सरकारचा निषेध करत घोषणाबाजी केली.

यावेळी शिवसेनेचे खासदार गजानन कीर्तिकर व युवासेनेचे पदाधिकारी कारशेड परीसरात वृक्षतोडीला विरोध करण्यास आले होते. मात्र, पर्यावरणप्रेमी नागरिकांनी शिवसेनेच्या विरोधातही घोषणाबाजी करत त्यांना तेथून जाण्यास सांगितले.

शनिवारी (७ सप्टेंबर) शिवसेना पक्षप्रमुख उद्धव ठाकरे हे मेट्रोच्या कार्यक्रमाला उपस्थित राहिल्याने शिवसेना आरेबाबत दुटप्पी भूमिका बजावत असल्याची प्रतिक्रिया पर्यावरणप्रेमींकडून व्यक्त करण्यात आली.

आरेत मेट्रो कारशेड आल्यावर सुरुवातीपासूनच शिवसेनेने वृक्षतोड करून कारशेड उभारणीला विरोध केला असल्याचे शिवसेनेचे उत्तर मुंबई लोकसभेचे खासदार गजानन कीर्तीकर यांनी सांगितले.