मुंबई - दिल्लीतील दंगलग्रस्तांना आर्थिक मदत करण्यासाठी राज्यभरातून हजारो हात सरसावले आहेत. स्टुडंट्स इस्लामिक ऑर्गनायझेशन ऑफ इंडियाने (एसआयओ) या स्वयंसेवी संस्थेने राज्यभरात मदतीची मोहीम राबविली असून मागील दोन दिवसात 20 लाखांहून अधिक रुपयांचा निधी गोळा करून दिल्लीतील दंगलग्रस्तांना पाठविण्यात आली असल्याची माहिती संघटनेकडून देण्यात आली. येत्या काही दिवसांमध्ये आणखी निधी जमा करून तो दिल्लीला पाठवण्यात येणार असल्याचेही सांगण्यात आले.
हेही वाचा - महिला दिन विशेष: मराठी भाषेच्या उन्नतीसाठी बंगाली महिलेचा पुढाकार; काय केलं ते वाचा सविस्तर....
आम्ही राज्यात जमा करत असलेली मदत दंगलीत ग्रासलेल्या लोकांचे आणि कुटुंबांचे पुनर्वसन करण्यासाठी वापरला जाईल. याशिवाय, राज्यभरातील एसआयओ युनिटशी संबंधित डॉक्टर, वकील, पत्रकार आणि सामाजिक कार्यकर्ते यांचे एक पथक मदत कार्यात सामील होण्यासाठी दिल्लीला भेट देणार असल्याचेही सांगितले.
हेही वाचा - राममंदिराच्या उभारणीसाठी शिवसेनेकडून १ कोटी रुपये; मुख्यमंत्र्यांची अयोध्येत घोषणा
