मुंबई - केईएम रुग्णालयात निवासी डॉक्टर म्हणून काम करणाऱ्या डॉ. प्रणय जयस्वाल यांनी शनिवारी (दि.16) ला त्यांच्या राहत्या घरात आत्महत्या केल्याचा प्रकार उघडकीस आला आहे.
मूळचे अमरावतीचे रहिवासी असणारे डॉ.प्रणव जयस्वाल यांनी काही महिन्यांपूर्वी केईएम महाविद्यालयातून मेडिकलची डिग्री मिळवून रुग्णालयातच निवासी डॉक्टर म्हणून काम पाहण्यास सुरुवात केली होती.
या घटनेची माहिती मिळताच भोईवाडा पोलिसांनी घटनास्थळी पोहोचून पंचनामा केला. डॉ.जयस्वाल यांच्या आत्महत्येचे कारण अद्याप अस्पष्ट असून, भोईवाडा पोलिसांनी यासंदर्भात मृत्यूची नोंद केली आहे.
