पंढरपूर - 31 डिसेंबर आणि नवीन वर्ष सलग सुट्ट्यांमुळे पंढरपुरात भाविकांनी गर्दी केली आहे. काही भाविक पहाटेपासूनच पंढरीत दाखल झाले आहेत त्यामुळे स्टेशन रस्ता, शिवाजी चौक, भक्तीमार्ग, चंद्रभागा वाळवंटात भाविकांची गर्दी झाली होती. नवीन वर्षानिमित्त विठूरायाची नगरी गर्दी वाढल्याने ज्या भाविकांचे ऑनलाईन दर्शन बुकिंग नव्हते, त्यांनी मुखदर्शन, नामदेव पायरी दर्शन घेतले. विठू माऊलीचे नामस्मरण केले. सावळ्या विठूरायाचे दर्शन घेऊन धन्य झाल्यानंतर परत गावाकडे जावे लागत आहे.
विठ्ठल मंदिर समितीकडून विठूरायाच्या दर्शनासाठी 4800 भाविकांना ऑनलाइन दर्शनाची परवानगी देण्यात आली आहे. त्यामुळे त्या भाविकांनी विठ्ठल रुक्मिणी मातेचे मुखदर्शन मिळणार आहे. यामुळे भाविकांमध्ये नाराजी दिसून येत आहे. तर ऑनलाईन बुकींग संख्या वाढवण्याची मागणी होत आहे. आतापर्यंत 73 हजार भाविकांनी विठ्ठल रुक्मिणी मातेचे मुखदर्शन घेतले आहे.
