मुंबई - गेल्या अनेक दिवसांपासून नवाब मलिक आणि संजय राऊत यांच्यावर टीका करणारे भाजपचे नेते मोहित कंबोज ( BJP Leader Mohit Kamboj ) यांना पालिकेने नोटीस दिली होती. त्यानंतर आज इमारतीमध्ये बुधवारी दुपारी बारा वाजता महापालिकेच्या अधिकाऱ्यांनी तपासणी ( Municipal Team Inspected Mohit Kamboj Building ) केली. या तपासणीदरम्यान कोणते बेकायदेशीर बांधकाम आढळून आले, याचा अहवाल बवण्याचे काम सुरू आहे. त्यानुसार कंबोज यांना महापालिकेकडून नोटीस दिली जाणार ( BMC Action Against Illegal Construction ) आहे.
पालिकेकडून तपासणी - मुंबई महापालिकेच्या एच वेस्ट कार्यालयाने सांताक्रूझ पश्चिम येथील खुशी प्राईड बेलमोंडो बिल्डिंगला नोटीस बजावली आहे. या इमारतीमध्ये भाजपा नेते मोहित कंबोज राहतात. पालिकेच्या कलम 488 नुसार ही नोटीस देण्यात आली आहे. 23 मार्चला किंवा त्यानंतर इमारतीमध्ये काही बेकायदेशीर बांधकाम झाले आहे का याचे मोजमाप घेऊन तपासणी केली जाईल असे असे नोटीसीत म्हटले होते. इमारतीमधील अध्यक्ष, सेक्रेटरी, घर मालक आदींनी त्यांना बांधकामाला दिलेल्या परवानगी आणि नकाशे यांची प्रत सोबत ठेवावी असे नोटिसीमध्ये म्हटले होते.
पालिका देईल नोटीस - पालिकेने दिलेल्या नोटीसीनुसार आज पालिका अधिकाऱ्यांनी इमारतीची पाहणी केली. दुपारी बारा वाजता गेलेल्या पालिका पथक तब्बल तीन तास तपासणी केली. त्यानंतर हे पथक पालिका कार्यालयात परतले. पालिका कार्यालयात इमारतीमध्ये कोणते बेकायदेशीर बांधकाम केले आहे याचा अहवाल बनवला जात आहे. या अहवालानुसार जे बेकायदेशीर बांधकाम केले आहे ते कंबोज यांनी स्वतः हटवावे किंवा पालिका कारवाई करून ते हटवेल अशा प्रकारची नोटीस देण्यात येणार आहे.
सूडबुद्धीने कारवाई - मोहित कंबोज मुंबई महापालिकेच्या एच / पश्चिम विभाग खार (प.) विभाग कार्यालयातर्फे नोडल अधिकारी यांनी मोहित कंबोज यांच्या सोसायटीला १८८८ च्या कायद्याने कलम ४८८ नुसार नोटीस बजावली आहे. त्यांच्या सोसायटीत व घरात अनधिकृत बांधकाम झाल्याचा पालिकेचा संशय आहे. पालिकेच्या कारवाईनंतर मोहित कंबोज यांनी, पालिका सूडबुद्धीने कारवाई करीत असल्याचा आरोप केला आहे. मात्र 'तुम्ही काहीही करा, मी झुकणार नाही', अशी प्रतिक्रिया त्यांनी दिली आहे.
