मुंबई - रात्री उशिरा मुंबई लोकलमध्ये प्रवासादरम्यान प्रवाशांना लुटणाऱ्या दोन आरोपींना ( mumbai local Train passenger robbing ) मुंबई बोरिवलीच्या जीआरपीने माहीम येथून अटक केली आहे. अटक करण्यात आलेले दोन्ही आरोपी धारावी येथील रहिवासी आहेत. यापुर्वीही महिमा धारावी येथे आरोपींवर दरोडा आणि खुनाचा प्रयत्न केल्याचे गुन्हे दाखल आहेत. रात्री उशिरा प्रवास करणाऱ्या एका प्रवाशाला चालत्या ट्रेनमधून मारहाण करून लुटून हे दोन्ही आरोपी फरार झाले होते.
मुंबईतील बोरिवली रेल्वे पोलीस ठाण्यात रविवार २२ मे रोजी मीरा रोड येथील रहिवासी शंभूलाल शर्मा (४६) यांनी बोरिवली रेल्वेकडे तक्रार केली की, शंभू लाल शर्मा दुपारी 1 वाजता मालाड ते भाईंदर लोकलच्या डब्यात एकटेच प्रवास करत असताना तीन जणांनी त्यांना मारहाण केली. त्याच डब्यात घुसून चालत्या ट्रेनमध्ये शंभूलाल यांना मारहाण करून त्यांच्याकडील १२०० रुपये व मोबाईल हिसकावून पळ काढला. बोरिवली स्थानकात उतरल्यानंतर शंभूलाल यांनी रेल्वे पोलिसांकडे तक्रार दिली. बोरिवलीचे तपास अधिकारी एपीआय पाटील आणि त्यांच्या पथकाने मुख्य आरोपी मायकल कनक (२२) सनी सिप्रे (१९, दोघे रा. धारावी) या दोन्ही आरोपींना रेल्वे स्टेशनवर बसवण्यात आलेल्या सीसीटीव्हीच्या मदतीने अटक केली, तर तिसरा आरोपी आकाश घोडके (२३) हा फरार आहे.
बोरिवली जीआरपीचे वरिष्ठ पीआय अनिल कदम यांनी माहिती दिली, रात्री उशिरा प्रवास करणाऱ्या शंभूलालला लुटणाऱ्या व्यक्तीला अटक करण्यात आली आहे. या दोघांवरही धारावी आणि माहीममध्ये अनेक गुन्हे दाखल आहेत. रात्री उशिरा प्रवास करणाऱ्या प्रवाशांनी आपल्या सामानाची व स्वत:ची सुरक्षितता लक्षात घेऊन ट्रेनमध्ये प्रवास करताना एकाकी डब्यातून प्रवास करू नये, अशी विनंती पोलीस अधिकारी कदम यांनी केली आहे. शक्य असल्यास मोठ्या संख्येने प्रवासी बसलेले असतील तेथेच प्रवास करावा.
हेही वाचा - लडाखमध्ये सैन्यदलाचे वाहन श्योक नदीत कोसळले; 7 जवानांचा मृत्यू, काही जवान जखमी
