मुंबई - मुंबई गुन्हे शाखेच्या युनिट 11 ने मुंबईतील तीन वेगवेगळ्या ठिकाणी 7 गोदामांवर छापे टाकले. तसेच परदेशातून एक्सपायरी झालेली कॉस्मेटिक उत्पादने आयात केल्याप्रकरणी एका व्यक्तीला अटक केली आहे. या छाप्यांमध्ये 3.28 कोटी रुपयांची एक्सपायरी झालेली उत्पादने जप्त करण्यात आली आहेत.
आरोपी हा कालबाह्य झालेल्या उत्पादनांच्या तारखेवर स्टिकर लावायचा आणि त्यांची मुंबई आणि इतर शहरांमध्ये पुनर्विक्री करायचा. तो युरोप, चीन आणि इतर देशांतून एक्सपायर झालेले कॉस्मेटिक उत्पादने मागवायचा आणि तारखा बदलून मुंबई आणि इतर शहरातील बाजारपेठेत विकायचा.
