मंदाकिनी खडसे यांची ईडीकडून तीन तास चौकशी

पुण्यातील भोसरी जमीन गैरव्यवहार प्रकरणी राष्ट्रवादीचे ज्येष्ठ नेते एकनाथ खडसे पत्नी मंदाकिनी खडसे यांना हायकोर्टाने मोठा दिलासा दिला होता. दरम्यान 17 ऑक्टोबर ते 7 डिसेंबरपर्यंत तपास यंत्रणेला तपासात सहकार्य करण्याचे निर्देश देत याकाळात आठवड्यातून दोनदा, दर मंगळवारी आणि शुक्रवारी ईडी कार्यालयात हजेरी लावण्याचे मंदाकिनी खडसेंना निर्देश देण्यात आले आहेत.

मुंबई - पुण्यातील भोसरी जमीन कथित घोटाळा प्रकरणी राष्ट्रवादी काँग्रेसचे नेते एकनाथ खडसे यांच्या पत्नी मंदाकिनी खडसे यांची आज ईडीकडून कार्यालयात 3 तास चौकशी करण्यात आली. चौकशीनंतर मंदाकिनी खडसे पुन्हा घरी निघून गेल्या न्यायालयाने सांगितल्याप्रमाणे दर शुक्रवारी त्यांना चौकशीसाठी ईडी कार्यालयात हजर राहावे लागते.

उच्च न्यायालयाने दिला होता जामीन -

पुण्यातील भोसरी जमीन गैरव्यवहार प्रकरणी राष्ट्रवादीचे ज्येष्ठ नेते एकनाथ खडसे पत्नी मंदाकिनी खडसे यांना हायकोर्टाने मोठा दिलासा दिला होता. दरम्यान 17 ऑक्टोबर ते 7 डिसेंबरपर्यंत तपास यंत्रणेला तपासात सहकार्य करण्याचे निर्देश देत याकाळात आठवड्यातून दोनदा, दर मंगळवारी आणि शुक्रवारी ईडी कार्यालयात हजेरी लावण्याचे मंदाकिनी खडसेंना निर्देश देण्यात आले आहेत. दरम्यानच्या काळात मंदाकिनी खडसे यांना अटक झाल्यास त्यांची 50 हजारांच्या वैयक्तिक जातमुचलक्यावर सुटका करण्याचे निर्देश न्यायमूर्ती नितीन सांब्रे यांनी दिले होते. भोसरी जमीन घोटाळ्यातील खटल्याला वारंवार गैरहजर राहिल्याने पीएमएलए कोर्टाकने मंदाकिनी खडसेंविरोधात अजामीनपात्र वॉरंट जारी केले आहे, ज्याविरोधात त्यांनी उच्च न्यायालयात याचिका दाखल केली. यावेळी तपास यंत्रणाना सहकार्य करण्याच्या अटीवरच मंदाकिनी खडसे यांना जामीन देण्यात आला होता.

काय आहे हे प्रकरण?

भोसरी एमआयडीसीतील जमीन गैरव्यवहार प्रकरणी खडसेंच्या अडचणी वाढण्याची शक्यता सध्या दिसत आहे. फडणवीस सरकारच्या काळामध्ये महसूल मंत्री पदी असताना खडसेंनी पुण्यातील भोसरीमधील ३.१ एकर जमीनीचा एमआयडीसीमधील प्लॉट खरेदी करण्यासाठी पदाचा गैरवापर केल्याचा आरोप २०१६ साली करण्यात आला. या जमीनीची किंमत ३१ कोटी रुपये इतकी असून ती केवळ ३ कोटी ७० लाखांना विकण्यात आल्याचा दावा करण्यात आला आहे.

एकनाथ खडसेंनी मागून घेतली वेळ -

याप्रकरणी मंदाकिनी खडसे यांचा याप्रकरणी अटकपूर्व जामीन अर्ज फेटाळून लावत सोमवारी पीएमएलए कोर्टाने त्यांच्याविरोधात अजामीनपात्र वॉरंटही जारी केला. या निर्णयाला हायकोर्टात आव्हान देता यावे यासाठी तीन आठवड्यांची स्थगिती खडसेंच्यावतीने मागण्यात आली. मात्र, कोर्टाने ही मागणी फेटाळून लावली होती. एकनाथ खडसेंना मात्र याप्रकरणी कोर्टाने वैद्यकीय कारणास्तव तूर्तास दिलासा दिला आहे. प्रकृती अस्वस्थ्यामुळे एकनाख खडसे हे सध्या बॉम्बे हॉस्पिटलमध्ये दाखल असून तिथे त्यांच्यावर उपचार सुरू असल्याचे त्यांच्या वकिलांनी न्यायालयात सांगितले. यापूर्वी एकनाथ खडसे यांना ही बोलवण्यात आले होते. मात्र त्यांच्यावर शस्त्रक्रिया झाल्याचे कारण देत त्यांनी वेळ मागून घेतली आहे.

हेही वाचा - आर्यन खानची एनसीबी कार्यालयात चौकशी; जामिनानंतर प्रथमच लावली हजेरी