मुंबई शीना बोरा हत्याकांडातील Sheena Bora murder case मुख्य आरोपी इंद्राणी मुखर्जीची Indrani Mukherjees मुलगी विधी पीटर मुखर्जी Vidhi Peter Mukherjee application in special cbi court हिने मुंबई सत्र न्यायालयातील विशेष सीबीआय कोर्टामध्ये तिची आई इंद्राणी मुखर्जी सोबत राहण्याची परवानगी करिता अर्ज दाखल केला आहे या अर्जावर तपास यंत्रणेला उत्तर सादर करण्याचे निर्देश सीबीआय कोर्टाने दिले असून यावर पुढील सुनावणी 7 सप्टेंबर रोजी ठेवण्यात आली आहे.
आईच्या सहवासापासून दूर ठेवण्यात आल्याचा दावा आरोपी इंद्राणी मुखर्जी आणि पीटर मुखर्जी यांची मुलगी विधी मुखर्जी हे गेल्या अनेक वर्षांपासून लंडनमध्ये राहत आहेत. इंद्राणी मुखर्जी ला शीना बोराच्या हत्याकांडात अटक करण्यात आल्यानंतर इंद्राणी मुखर्जी आणि विधी हे दोघेही अलग अलग राहत होत्या तेव्हापासूनच विधी लंडनमध्ये वास्तव्यास असल्याने ती आता पुन्हा भारतात दहा सप्टेंबर रोजी परत येणार असल्याने तिने आई इंद्राणी मुखर्जी सोबत राहण्याची परवानगी सीबीआय कोर्टामध्ये मागितली आहे. 2015 मध्ये जेव्हा इंद्राणी मुखर्जीला तिची मुलगी शीना बोरा हिच्या हत्येप्रकरणी अटक करण्यात आली तेव्हा तिला अल्पवयीन असल्याने तिला तिच्या आईच्या सहवासापासून दूर ठेवण्यात आल्याचा दावा विधीने केला आणि विभक्त झाल्यामुळे तिच्या भावनिक आरोग्यावर परिणाम झाला. विधी अनेक वर्षांपासून लंडनमध्ये राहत आहे. तिच्या अर्जानुसार ती 10 सप्टेंबरला भारतात परतत आहे.
आईला अटक करण्यात आली तेव्हा अल्पवयीन होती वकील रणजीत सांगळे यांच्यामार्फत दाखल करण्यात आलेल्या याचिकेत विधी म्हणाली की 2015 मध्ये जेव्हा तिच्या आईला अटक करण्यात आली तेव्हा ती अल्पवयीन होती अटक झाल्याच्या दिवसापासून ती तिच्या आईच्या सहवास, प्रेम आणि उबदारपणापासून वंचित आहे. गेल्या सात वर्षांपासून ती तिच्या आई पासून दूर राहत आहे. याचा अर्जदाराच्या भावनिक आरोग्यावर गंभीर परिणाम झाला आहे असे त्यात म्हटले आहे. विधीला आता वेगळेपणाचा सामना करणे अत्यंत कठीण जात आहे म्हणूनच तिला तिच्या आईसोबत मुक्तपणे संवाद साधता यावा आणि तिच्यासोबत राहता यावे इच्छा आहे.
इंद्राणी सेरेब्रल इस्केमियाने ग्रस्त याचिकेत पुढे म्हटले आहे की, इंद्राणी मुखर्जीला अपरिवर्तनीय सेरेब्रल इस्केमियाने ग्रस्त आहे ती कमजोर आहे आणि तिला योग्य वैयक्तिक आणि वैद्यकीय काळजीची आवश्यकता आहे. जी अर्जदाराला तिच्या क्षमतेनुसार आणि वेळेनुसार प्रदान करणे आवडेल. अर्जदाराशिवाय इंद्राणी मुखर्जीचे मुंबईत कुटुंब नाही असेही अर्जात म्हटलेले आहे. आपल्या आईसोबत राहण्यास सक्षम असणे, एखाद्याच्या आजारी आईची काळजी घेणे हा कोणत्याही मुलाचा मूलभूत अधिकार आहे असेही याचिकेत म्हटलेले आहे.
काय आहे प्रकरण ?
इंद्राणी मुखर्जीने एकूण तीन लग्न केली आहेत. ज्यात प्रथम तिला पतीपासून मुलगी झाली. तिचं नाव शीना बोरा होतं. इंद्राणी मुखर्जीचा तिसरा नवरा पीटर मुखर्जी हा इंद्राणी मुखर्जीचा मुलगा आणि शीना बोराचे अफेअर असल्याचे सांगितलं जातं. इंद्राणी आणि पीटर मुखर्जी दोघेही यामुळे अस्वस्थ होते. एप्रिल 2012 मध्ये नवी मुंबईजवळील जंगलात 24 वर्षीय शीनाची कारमध्ये गळा आवळून हत्या करण्यात आली होती आणि शेजारच्या रायगड जिल्ह्यात मृतदेहाची विल्हेवाट लावण्यात आली होती. 2015 मध्ये ही हत्या उघडकीस आल्यानंतर इंद्राणीशिवाय तिचा ड्रायव्हर श्यामवर राय आणि संजीव खन्ना यांनाही मुंबई पोलिसांनी अटक केली होती. इंद्राणीचा पती पीटर यालाही नंतर या प्रकरणात आरोपी बनवून अटक करण्यात आली होती. तपासानुसार शीनाच्या राहुलसोबतच्या संबंधांना इंद्राणीचा विरोध होता. याशिवाय आर्थिक वाद हा हत्येमागील संभाव्य कारण होतं. त्यानंतर या प्रकरणाचा तपास सीबीआयकडे सोपवण्यात आला होता. या प्रकरणी इंद्राणी मुखर्जी 2015 पासून मुंबईतील भायखळा कारागृहात बंद आहे.
हेही वाचा Maharashtra NCRB report 2021 : महिलांवरील एकूण गुन्ह्यांमध्ये महाराष्ट्र देशात तिसऱ्या स्थानी
