मुंबई - महाराष्ट्राचे मुख्यमंत्री उद्धव ठाकरे यांचे निवासस्थान असलेल्या मातोश्रीबाहेर हनुमान चालिसाचे पठण करण्याची घोषणा खासदार नवनीत राणा आणि आमदार रवी राणांनी केली होती. त्यानंतर मुंबई पोलिसांनी राणा दाम्पत्याला अटक केली होती. त्याबाबची सुनावनी आज न्यायालयात पार पडली. राणा दाम्पत्यांचा जेलमधील मुक्काम वाढला आहे. 4 मे रोजी आता त्यांच्या जामीन अर्जावर सुनावणी होणार आहे.
शनिवार राणा दाम्पत्याच्या जामीन अर्जावर सुनावणी पार पडली होती. तेव्हा देखील न्यायालयाने मुंबई सत्र न्यायालयाने सोमवारपर्यंत निकाल राखून ठेवला होता. आज ( 2 मे ) त्यांच्या जामीन अर्जावर पुन्हा सुनावणी झाली. मात्र, वेळेअभावी त्यांच्या जमीन अर्जावर सुनावणी होऊ शकली नाही. त्यामुळे 4 मे ( बुधवार ) पर्यंत त्यांच्या कोठडीतील मुक्काम वाढला आहे.
नवनीत राणा यांना स्पाँडिलायसिसची समस्या - नवनीत राणांच्या वकिलांनी भायखळा कारागृह अधीक्षकांना पत्र पाठवून तक्रार केली आहे. नवनीत राणा यांना स्पाँडिलायसिसची समस्या आहे. जेलमध्ये सतत फरशीवर बसल्याने आणि झोपल्यामुळे ही समस्या वाढत आहे. यामुळे नवनीत राणा यांना 27 एप्रिल रोजी जेजे रुग्णालयात नेण्यात आले होते. जेजेमधील डॉक्टरांनी सिटी स्कॅन करायला सांगितले होते. मात्र, ते अजून झालेले नाही. त्यांना गंभीर दुखण्याने ग्रासले आहे. सिटीस्कॅन न केल्याने उपचार काय करायचा, हे ठरू शकत नाही. आम्ही संबंधित यंत्रणेला अर्ज दिला आहे. पण, त्यावर विचार केला गेला नाही, तर त्यांची प्रकृती बिघडण्याची शक्यता आहे. तसे, झाल्यास त्याला जबाबदार कारागृह प्रशासन असेल, असे पत्रात म्हटले आहे. तसेच, या पत्राची एक प्रत लोकसभा अध्यक्ष ओम बिर्ला यांना पाठवण्यात आली आहे.
-
Delhi Police sends a copy to DGP Maharashtra regarding Navneet & Ravi Rana's complaints stating, "since the matter pertains to Khar, Mumbai, Maharastra, hence, the complaint of Smt. Navneet Ravi Rana, Hon'ble MP, Lok Sabha is being sent for taking necessary action at your end." https://t.co/wuzX8M8eP9
— ANI (@ANI) May 2, 2022 " class="align-text-top noRightClick twitterSection" data="
">Delhi Police sends a copy to DGP Maharashtra regarding Navneet & Ravi Rana's complaints stating, "since the matter pertains to Khar, Mumbai, Maharastra, hence, the complaint of Smt. Navneet Ravi Rana, Hon'ble MP, Lok Sabha is being sent for taking necessary action at your end." https://t.co/wuzX8M8eP9
— ANI (@ANI) May 2, 2022Delhi Police sends a copy to DGP Maharashtra regarding Navneet & Ravi Rana's complaints stating, "since the matter pertains to Khar, Mumbai, Maharastra, hence, the complaint of Smt. Navneet Ravi Rana, Hon'ble MP, Lok Sabha is being sent for taking necessary action at your end." https://t.co/wuzX8M8eP9
— ANI (@ANI) May 2, 2022
दिल्ली पोलिसांचे महासंचालकांना पत्र - दिल्ली पोलिसांनी खासदार नवनीत राणा आणि आमदार रवी राणा यांच्या तक्रारीबाबत महाराष्ट्राचे पोलीस महासंचालक यांना एक पत्र पाठवले आहे. त्यात लिहले की, नवनीत राण आणि रवी राणा यांनी लोकसभा अध्यक्षांकडे केलेली तक्रार तुम्हाला पाठवली जात आहे. तुमच्याकडून आवश्यक ती कारवाई केली जावी, असे दिल्ली पोलिसांनी म्हटले आहे.
काय आहे प्रकरण? - मुख्यमंत्री उद्धव ठाकरे पदावर आल्यापासून महाराष्ट्राला साडेसाती लागली ( Ravi Rana Criticized CM Thackeray ) आहे. महाराष्ट्राची ही साडेसाती दूर व्हावी, यासाठी मुख्यमंत्र्यांचे निवासस्थान असलेल्या 'मातोश्री' बाहेर आपण 23 तारखेला हनुमान चालीसा पठण करण्यासाठी जात असल्याची घोषणा केली आणि वादाला तोंड फुटले. राणा दाम्पत्याला अमरावतीतच अडवण्याचा प्रयत्न होणार होता, त्यामुळे त्यांनी गनिमीकावा करत एक दिवस आधीच मुंबई गाठली, 23 एप्रिलला शिवसैनिकांनी राणांच्या मुंबईतील घराबाहेर आंदोलन केले.
त्यानंतर खार पोलिसांनी राणा दाम्पत्याला अटक केली. त्या दिवशीची रात्र राणा दाम्पत्याची पोलीस कोठडीतच गेली. दुसऱ्या दिवशी रविवारी त्यांना न्यायालयासमोर हजर केले गेलं. न्यायालयाने त्यांना 14 दिवसांची पोलीस कोठडी सुनावली आहे. त्यानंतर 30 एप्रिलला त्यांच्या जामीनावर सुनावणी घेण्यात आली. मात्र, न्यायालयाने निकाल राखून ठेवला होता. आजही वेळेअभावी जामीन अर्जावर सुनावणी झाली नाही आहे.
हेही वाचा - Shivaji Maharaj Samadhi Controversy : 'लोकमान्य टिळकांनी शिवाजी महाराजांच्या समाधीत भ्रष्टाचार केला'
