मुंबई - वाळू शिल्पकार लक्ष्मी गौड यांनी वाळू शिल्पकलेतून 'गो ग्रीन' गणेशाचा संदेश दिला आहे. लाडक्या बाप्पाला निरोप देण्यासाठी हे शिल्प साकारल्याची प्रतिक्रिया लक्ष्मींनी दिली आहे.
गो ग्रीन गणेशाचे वाळू शिल्प
नेहमी विविध विषयांवर आपल्या वाळू शिल्पातून लक्ष्मी या जुहू समुद्रकिनारी शिल्प काढत असतात. दरम्यान, आज गुरुवारी अनंत चतुर्थीला सर्वांचा लाडका श्री गणेश आपल्या घरी परततोय. या श्री गणेशाला निरोप देताना पर्यावरण जपले पाहिजे, या उद्देशाने आज लक्ष्मी यांनी गो ग्रीन श्री गणेशाचे शिल्प जुहू समुद्रकिनारी साकारले आहे. दरम्यान, हे शिल्प पाहण्यासाठी मोठ्या प्रमाणात गर्दी समुद्र किनारी होत आहे.
हेही वाचा - नंदुरबारमध्ये विसर्जन मिरवणूक उत्साहात; ढोल-ताशांच्या गजरात खासदार हिना गावितांनीही केले नृत्य
