मुंबई : महाराष्ट्रातील वाढत्या राजकीय संकटाच्या पार्श्वभूमीवर, शिवसेना विधीमंडळ पक्षाने 34 आमदारांच्या स्वाक्षऱ्या असलेला एक ठराव पारित केला आहे, ज्यामध्ये बंडखोर नेते एकनाथ शिंदे हेच नेते ( Eknath Shinde continues to be legislative party chief ) आहेत. राज्याचे राज्यपाल भगतसिंग कोश्यारी यांना हा ठराव पाठविण्यात आला ( rebel MLAs write to Maharashtra Governor ) आहे.
मंगळवारी मंजूर करण्यात आलेल्या ठरावात म्हटले आहे की, एकनाथ शिंदे यांची २०१९ मध्ये शिवसेना विधिमंडळ पक्षनेतेपदी एकमताने निवड करण्यात आली होती आणि ते यापुढेही विधिमंडळ पक्षाचे नेते आहेत. त्यात भरत गोगावले यांची पक्षाचे मुख्य व्हीप म्हणून नियुक्ती करण्यात आली आहे. राजकीय संकटानंतर शिवसेनेने एकनाथ शिंदे यांची पक्षाच्या विधिमंडळ पक्षनेतेपदावरून हकालपट्टी केली होती. मात्र, या ठरावाला बंडखोरांनी पलटवार केला आहे.
गेल्या दोन वर्षांत शिवसेनेच्या विचारसरणीशी तडजोड करण्यात आली आहे, असे ठरावात म्हटले आहे. त्यांनी सध्या तुरुंगात असलेल्या अनिल देशमुख आणि नवाब मलिक यांचा उल्लेख करून "सरकारमधील भ्रष्टाचाराबाबत" असंतोष व्यक्त केला. " शिवसेना विधीमंडळ पक्षाच्या मुख्य व्हिपपदी भरत गोगावले यांची नियुक्ती करण्यात आली आहे. त्यामुळे आज संध्याकाळी झालेल्या विधीमंडळ पक्षाच्या बैठकीबाबत सुनील प्रभू यांनी दिलेला आदेश बेकायदेशीर आहे," असे एकनाथ शिंदे म्हणाले होते. वेगवेगळ्या विचारसरणीमुळे राष्ट्रवादी काँग्रेस आणि भारतीय राष्ट्रीय काँग्रेससोबत सरकार स्थापन करण्याबद्दल कार्यकर्त्यांमध्ये प्रचंड असंतोष असल्याचे शिवसेनेच्या बंडखोर आमदारांनी म्हटले आहे.
