मुंबई - शहरात आज कोरोनाचे नवे 1109 रुग्ण आढळून आले असून 49 जणांचा मृत्यू झाला आहे. यामुळे मुंबईतील कोरोनाग्रस्तांचा आकडा 41 हजार 986 वर तर मृतांचा आकडा 1,368 वर पोहचला आहे. मुंबईमधून आतापार्यंत 17 हजार 213 रुग्णांना डिस्चार्ज देण्यात आला असल्याने मुंबईत सध्या 23 हजार 405 सक्रिय रुग्ण असल्याची माहिती पालिकेच्या आरोग्य विभागाने दिली.
जगभरात थैमान घालणाऱ्या कोरोना विषाणूचे मुंबईत मोठ्या प्रमाणात रुग्ण आढळून येत आहेत. त्यात आज काही प्रमाणात घट दिसून आली आहे. मुंबईत आज कोरोनाचे नव्याने 1109 रुग्ण आढळून आले आहेत. तर 49 जणांचा मृत्यू झाला आहे. मृतांपैकी 42 रुग्णांना दिर्घकालीन आजार होते. मृतांमध्ये 34 पुरुष आणि 15 महिला रुग्ण होत्या. मृतांमध्ये दोन जणांचे वय 40 वर्षांखाली होते, 20 जणांचे वय 60 वर्षांवर तर 20 जणांचे वय 40 ते 60 वर्षांदरम्यान होते.
मुंबईतील कोरोनाच्या रुग्णांचा आकडा 41 हजार 986 वर पोहचला आहे. त्यापैकी 1,368 रुग्णांचा मृत्यू झाला आहे. तर मुंबईमधून आतापर्यंत 17 हजार 213 रुग्णांना डिस्चार्ज देण्यात आला आहे. यामुळे मुंबईत सध्या कोरोनाचे 23 हजार 405 सक्रिय रुग्ण असल्याची माहिती पालिकेच्या आरोग्य विभागाने दिली आहे.
