मुंबई- मुंबई उच्च न्यायालयाने राज्य सरकारला दणका देत अकरावी प्रवेशासाठी घेण्यात येणारी सीईटी परीक्षा रद्द केली आहे. दहावी मध्ये उत्तीर्ण झालेल्या विद्यार्थ्यांना अकरावी प्रवेशासाठी ऐच्छिक सीईटी परीक्षेचा अध्यादेश राज्य सरकारने 28 मे रोजी काढला होता. राज्य सरकारचा हा निर्णय मुंबई उच्च न्यायालयाने रद्द केल्यानंतर भारतीय जनता पक्षाचे नेते आशिष शेलार यांनी राज्य सरकारच्या या निर्णयावर ट्विटरच्या माध्यमातून त्यांनी राज्य सरकारवर ही टीका केली. “छडी लागे छम् छम् विद्या येई घम् घम्”अशा प्रकारची ही चंपी झालेय, अशी बोचरी टीका आशिष शेलार यांनी सरकारवर केली आहे.
राज्यातील शाळा सुरू होणार-
कोरोनामुक्त ग्रामीण भागातील आठवी ते बारावीपर्यंतच्या शाळा सुरू करण्यात आल्या. त्यानंतर आता शहरी भागातीलही आठवी ते बारावी आणि ग्रामीण भागातील पाचवी ते सातवीच्या शाळा 17 ऑगस्टपासून सुरू करण्यात येणार असल्याचा निर्णय राज्य सरकारने घेतला आहे. यासंबंधित आज शासनाने आदेश जारी केला आहे. त्यामुळे आता राज्यातील शाळांची घंटा वाजणार आहे.
