मुंबईत कोरोनाचे 537 नवे रुग्ण, 6 रुग्णांचा मृत्यू - new corona in mumbai

मुंबईत आज कोरोनाचे 537 नवे रुग्ण आढळून आले असून 6 रुग्णांचा मृत्यू झाला आहे.

कोरोना अपडेट

Published : Dec 29, 2020, 8:50 PM IST

मुंबई - मुंबईत मार्च पासून कोरोना विषाणूचा प्रादुर्भाव सुरू झाला. ऑगस्ट, सप्टेंबर महिन्यात कोरोना रुग्णांची संख्या वाढली होती. 16 नोव्हेंबरला रुग्ण संख्या 409 पर्यंत खाली आली होती. आज (मंगळवारी) मुंबईत 537 नवे रुग्ण आढळून आले असून 6 रुग्णांचा मृत्यू झाला आहे, अशी माहिती पालिकेच्या आरोग्य विभागाकडून देण्यात आली आहे.

मृतांचा आकडा 11 हजारावर -

मुंबईत आज कोरोनाचे 537 नवे रुग्ण आढळून आले असून 6 रुग्णांचा मृत्यू झाला आहे. मुंबईमधील कोरोनाग्रस्तांचा आकडा 2 लाख 92 हजार 008 वर पोहचला आहे. तर, मृतांचा आकडा 11 हजार 094 वर पोहचला आहे. मुंबईमधून आज 486 रुग्ण बरे झाल्याने त्यांना डिस्चार्ज देण्यात आला. मुंबईत डिस्चार्ज देण्यात आलेल्यांचा आकडा 2 लाख 71 हजार 780 वर गेला आहे. सध्या मुंबईत 8 हजार 186 सक्रिय रुग्ण आहेत.

रुग्ण दुप्पटीचा कालावधी 365 दिवसांवर -

मुंबईत कोरोनाचे रुग्ण बरे होण्याचे प्रमाण 93 टक्क्यांवर पोहचले आहे. रुग्ण दुप्पट होण्याचा कालावधी 365, दिवस तर सरासरी दर 0.21 टक्के आहे. मुंबईत सध्या कोरोनाचे रुग्ण आढळून आलेल्या 290 चाळी आणि झोपडपट्टी कंटेन्मेंट झोन घोषित करून सील करण्यात आल्या आहेत. तसेच 2 हजार 561 इमारती व इमारतीच्या विंग, काही मजले सील करण्यात आले आहेत. तर, कोरोनाचे निदान करण्यासाठी 23 लाख 25 हजार 363 चाचण्या करण्यात आल्या आहेत.

अशी वाढली रुग्णसंख्या