कोल्हापूर - देश-विदेशातील विविध प्रजातींची एकापेक्षा एक मांजरे पाहण्याची संधी कोल्हापूरकरांना मिळाली आहे. येथील मार्केट यार्ड परिसरातील महाराजा हॉल येथे 'फेलाईन क्लब ऑफ इंडियाच्या' कोल्हापूर शाखेने 'कॅट शो'चे ( Kolhapur Cat Show ) आयोजन केले आहे. त्यामध्ये कोल्हापूरसह विविध ठिकाणांहून अनेकजण आपली मांजरे घेऊन या शो मध्ये सहभागी झाले होते. विशेष म्हणजे यामध्ये जगातील सर्वात मोठे मांजर तसेच लाखो रुपये किंमतीची मांजरे सुद्धा पाहण्याची संधी कोल्हापूरकरांना मिळाली आहे.
बंगाली कॅट ठरले आकर्षण - या कॅट शो मध्ये विविध प्रजातींची मांजरे सहभागी झाली होती. मात्र, बिबट्यासारखे दिसणाऱ्या 'बंगाली कॅट'ने सर्वांचे लक्ष वेधून घेतले. अगदी हुबेहूब बिबट्या सारखे दिसणारे हे मांजर दोन रंगाचे आहे. याची किंमत सुद्धा चक्रावून टाकणारी आहे. एका मांजराची किंमत जवळपास दीड ते दोन लाखांपासून सुरू होते. त्यामुळे अतिशय महागड्या मांजाऱ्यांच्या प्रजातींपैकी ही एक प्रजाती असल्याचे सदस्यांनी सांगितले.
हेही वाचा - Suspicious Transactions : यशवंत जाधवांनी 'मातोश्री'ला दिले 2 कोटी 60 लाख? आयकरने जप्त केलेल्या डायरीत उल्लेख
