कोल्हापूर - डिस्कव्हरी, नॅशनल जिओग्राफी नंतर आता 'ॲपल' ने सुद्धा कोल्हापूरच्या फोटोग्राफरची ( Apple notice Kolhapur photographer Prajwal Chowgule ) दखल घेतली आहे. प्रज्वल चौगुले, ( Kolhapur photographer Prajwal Chowgule ) असे या फोटोग्राफरचे नाव असून त्याने काढलेल्या एका फोटोची 'ॲपल' मायक्रो चॅलेंजमध्ये निवड झाली आहे. विशेष म्हणजे, जगभरातून आलेल्या हजारो फोटोंमध्ये केवळ 10 जणांचे फोटो निवडण्यात आले असून, त्यामध्ये प्रज्वल चौगुले याचा कोष्टीच्या जाळ्यावर दवबिंदू ( Prajwal Chowgule photography ) असलेला सुंदर फोटो निवडण्यात आला आहे. जगभरातील 10 मध्ये प्रज्वल ( Apple select Prajwal Chowgule photo ) हा एकटा भारतीय ठरला असल्याने ही कोल्हापूरकरांसाठी सुद्धा अभिमानाची बाब आहे.
नॅशनल जिओग्राफी, डिस्कव्हरीवरसुद्धा प्रज्वलचा फोटो झळकला : तदरम्यान, प्रज्वल चौगुलेने ( Kolhapur Prajwal Chowgule news ) काढलेल्या फोटोंची यापूर्वी अनेकांनी दखल घेतली आहे. विशेष म्हणजे, नॅशनल जिओग्राफी, डिस्कव्हरीवरसुद्धा त्याचा फोटो झळकला आहे. येथील ज्योतिबा डोंगर परिसरातील एका फार्म हाऊसचा काढलेला सुंदर फोटो डिस्कव्हरीने आपल्या वेबसाईटसह सोशल मीडियाच्या अकाऊंटवर प्रसिद्ध केला आहे. त्याच पद्धतीने प्रज्वलने मातीच्या विटा बनविण्याच्या प्रक्रियेचे फोटो काढले होते. यामध्येच त्याने एका महिला कामगाराचा काढलेला फोटो नॅशनल जिओग्राफीने प्रसिद्ध केला. त्यानंतर आता 'ॲपल' ने ( Apple select Prajwal Chowgule photo ) सुद्धा कोल्हापूरच्या प्रज्वलच्या फोटोग्राफीची दखल घेतली असून, ही संपूर्ण कोल्हापूरकरांसाठी अभिमानाची बाब आहे. विशेष म्हणजे, 'ॲपल' ने निवडलेले 10 फोटो आपल्या कार्यालयातील फोटो गॅलरीमध्ये फ्रेम करून लावले आहेत.
कॅनननेसुद्धा अनेक फोटो आपल्या वेबसाईटवर प्रसिद्ध केले : प्रज्वल नेहमीच घरातून बाहेर पडल्यानंतर जे काही चांगले आपल्या कॅमेरात कैद करता येईल ते कैद करण्याचा प्रयत्न करत असतो. आजपर्यंत अनेक रँडम फोटो त्याने घेतले आहेत. बहुतांश फोटो त्याने आपल्या मोबाईलवर काढले आहेत. कॅनन कॅमेरावर काढलेले अनेक फोटो कॅननने आपल्या वेबसाईट, तसेच सोशल मीडिया अकाऊंटवर प्रसिद्ध केले आहेत.
कोल्हापूरच्या पालकमंत्र्यांनी तसेच आमदारांनीसुद्धा केले कौतुक : प्रज्वलने कोल्हापुरातील केआयटी कॉलेजमधून मेकॅनिकल इंजिनिअरिंग पूर्ण केले आहे. कॉलेजमध्ये असल्यापासूनच त्याला फोटोग्राफीची आवड होती. तीच आवड त्याने जोपासली असून, सद्या त्याने काढलेल्या अनेक फोटोंची जागतिक स्तरावर चर्चा सुरू आहे. अनेक महत्त्वाच्या व्यक्तींनी त्याचे फोटो शेअर केले आहेत. कोल्हापूरच्या पालकमंत्र्यांनीसुद्धा त्याच्या या यशाचे कौतुक करत कोल्हापुरी फेटा घालून त्याचा सत्कार केला आहे. शिवाय कोल्हापूर दक्षिणचे आमदार ऋतुराज पाटील यांनीही त्याचे कौतुक केले आहे.
हेही वाचा - Theft Caught In CCTV : कोल्हापूरात कारसमोर नोटा टाकत मोबाईल, बॅग लांबवली.. सीसीटीव्हीत चोरी कैद
