औरंगाबाद - राष्ट्रवादी नेते धनंजय मुंडे यांच्या विरोधात भाजप महिला मोर्चाच्या वतीने औरंगाबादेत निदर्शन केली. क्रांतिचौक भागात महिला मोर्चाच्या महिलांनी धनंजय मुंडे यांच्या फोटोला जोडे मारत आंदोलन केले.
विधानसभा निवडणुकीच्या काळात परळी मतदार संघात बहीण भावाच्या लढतीत धनंजय मुंडे यांनी केलेल्या प्रचारात पंकजा मुंडे यांच्या बद्दल आक्षेपार्ह विधान केल्याने भाजप महिला आघाडीने संतप्त झाल्याने आंदोलन केले. धनंजय मुंडे यांच्यावर कारवाई करावी अशी मागणी भाजप महिला मोर्चाने केली आहे.
धनंजय मुंडेयांनी आक्षेपार्ह विधान केल्याने समस्त महिलांचा अवमान झाला आहे. ऐन भाऊबीजेच्या आधी एका भावाने आपल्या नात्याचा अवमान केला आहे. हा भाऊ नसून रावण असल्याची भावना महिलांची झाली आहे. त्यामुळे महिलांच्या भावना दुखावल्या असल्याने धनंजय मुंडे यांच्या फोटोला जोडे मारून आंदोलन करत असून त्यांच्यावर लवकरात लवकर कारवाई करा अशी मागणी भाजप महिला मोर्चातर्फे करण्यात आली.
