अमरावती - महिला व बालविकास मंत्री यशोमती ठाकूर ( Women and Child Development Minister Yashomati Thakur Corona Positive ) यांना कोरोनाची लागण झाली आहे. याबाबत त्यांनी स्वत: माहिती दिली असून त्यांच्या संपर्कात आलेल्यांनी कोरोनाची चाचणी ( Corona Test ) करुन घ्यावी, असे आवाहन देखील यशोमती ठाकूर यांनी केले आहे. पालकमंत्री ठाकूर यांना कोरोनाची कोणतीही लक्षणे ( No Corona Symptoms ) दिसत नसली तरी डॉक्टरांच्या सल्ल्यानुसार वैद्यकीय उपचार सुरु आहेत. त्यांच्या निवासस्थानी कोणीही गर्दी करू नये, असे आवाहन प्रशासनाच्या वतीने करण्यात आले आहे.
- उत्सव, सण साधेपणाने साजरे करण्याचे आवाहन
कोरोनाच्या रुग्णसंख्येत पुन्हा एकदा वाढ होऊ लागली आहे. यासाठी नागरिकांनी कोरोना नियमावलींचे काटेकोरपणे पालन करत नववर्षाचे स्वागत, सण, उत्सव, लग्न समारंभ आदी कार्यक्रम साधेपणाने व कमीत-कमी नागरिकांच्या उपस्थितीत साजरे करावे, असे आवाहन यशमोती ठाकूर यांनी केले आहे. मास्क लावणे, वारंवार हात धुणे, सॅनिटाईजरचा वापर तसेच सामाजिक अंतर राखणे या कोविड त्रिसुत्रीचे पालन सर्वांनी करावे, असे देखील यशोमती ठाकूर यांनी पत्रक काढून म्हटले आहे.
हेही वाचा - Maharashtra Corona : राज्यातील नेते मंडळींच्या घरी लग्नसोहळ्यांचा धडाका! पहा यांना झाली कोरोनाची लागन
