मुंबई - सौदी अरेबियाची पब्लिक इन्वेस्टमेंट फंड (पीआयएफ) 11 हजार 367 कोटी रुपयांची गुंतवणूक करणार असल्याची घोषणा रिलायन्स इंडस्ट्रीज आणि जिओने आज केली आहे. या गुंतवणुकीत पीआयएफ जिओचे 4.91 लाख कोटी किंमतीचे शेअर घेणार आहे.
पीआयएफ जिओमध्ये 2.32 टक्के हिस्सा घेणार आहे. या गुंतवणुकीनंतर जिओमध्ये जगभरातील विविध कंपन्यांनी एकूण गुंतवणूक 1,15,693.95 कोटी रुपये होणार आहे
यापूर्वी जिओमध्ये फेसबुक, सिल्वर लेक, विस्टा इक्विटी पार्टनर्स, जनरल अटलांटिक, केकेआर मुबादाल,एआयडीआय, टीपीजी आणि एल कॅटर्टन या कंपन्यांनी गुंतवणूक केली आहे
रिलायन्स इंडस्ट्रीचे व्यवस्थापकीय संचालक चेअरमन मुकेश अंबानी म्हणाले, की अनेक दशकांपासून सौदी अरेबियाच्या राजेशाहीबरोबरील नात्यातून आम्ही, रिलायन्सने दीर्घ व फलदायी आनंद घेतला आहे.
भारताची तेलावरील अर्थव्यवस्था ते डाटावर आधारित अर्थव्यवस्था होणार आहे. पीआयएफची जिओमधील गुंतवणूक हा त्याचा पुरावा आहे.
जागतिक कंपन्याच्या गुंतवणुकीनंतर जिओ भारतासाठी 'डिजिटल सोसायटी व्हिजन' प्रस्थापित करण्यासाठी प्रयत्न करणार आहे.
