नवी दिल्ली - देश-विदेशातील उड्डाणे स्थगित केली असताना एअर इंडियाची सेवा पुन्हा सुरू होणार आहे. एअर इंडियाची देशातील विमान सेवा टाळेबंदी संपल्यांनंतर ४ मेपासून सुरू होणार आहे. तर आंतरराष्ट्रीय विमान उड्डाणे ही १ जूनपासून सुरू होणार आहेत.
जगभरात आरोग्याबाबत चिंता व्यक्त होत असताना एअर इंडियाने देशातील विमान प्रवासाची तिकिट बुकिंग सेवा ३ मेपर्यंत थांबविली आहे. तर आंतरराष्ट्रीय विमान प्रवासाची तिकिटे ३१ मे २०२० पर्यंत आरक्षणासाठी स्थगित केल्याचे एअर इंडियाने वेबसाईटवर म्हटले आहे.
हेही वाचा-'कामगारांचे प्रश्न सोडविण्याकरता नोडल अधिकाऱ्यांची नियुक्ती करा'
देशातील विमान प्रवासासाठी ४ मे तर विदेशातील प्रवासासाठी १ जूनपासून तिकिटे बुकिंग करता येतील, असे कंपनीने म्हटले आहे. देशात २५ मार्च ते १४ एप्रिलदरम्यान टाळेबंदी करण्यात आली आहे. तर दुसऱ्या टप्प्यात १५ एप्रिल ते ३ मेपर्यंत टाळेबंदी लागू करण्यात आली आहे.
हेही वाचा-कोरोनाच्या संकटात संधी शोधणाऱ्या चीनला बसणार पायबंद; सरकारने काढले हे आदेश
