नवी दिल्ली - ट्विटर 10 हजारांहून अधिक असलेल्या फॉलोअर्स असलेल्या वापरकर्त्यांसाठी सुपर फॉलो फिचर लाँच करणार आहे. या फिचरमुळे वापरकर्त्यांना अतिरिक्त ट्विट, समुदायात सहभागी होणे व न्यूजलेटरचा पर्याय उपलब्ध होणार आहे.
ट्विटरने पॅट्रेऑनसारखी सेवा महसूल मिळविण्यासाठी लाँच करण्याचे नियोजन केले आहे. ट्विटरने ऑनलाईन इव्हेंटमध्ये गुंतवणुकदारांना स्क्रीनशॉट दाखविला आहे. अॅप संशोधक जेन मँनशुन वाँगने नवीन सुपर फॉलो फिचरचा स्क्रीनशॉट लाँच केला आहे. ट्विटरने सुपर फॉलो अॅप्लिकेशनवर काम करत आहे. त्यासाठी कमीत कमी 10 हजार फोलोअर्स, गेल्या 30 दिवसांत 25 दिवसांमध्ये ट्विट करणाऱ्या वापरकर्त्यांना फीचर लागू होणार आहे. ज्या कंटेन्टच्या श्रेणीमध्ये सुपर फॉलोअर्सचे फीचर मिळणार आहे, त्याचीही नावे वाँगने दिली आहेत.
हेही वाचा-प्राप्तिकर विभागाची ई-फायलिंग वेबसाईट होणार आज लाँच; वाचा सविस्तर माहिती
ट्विटर ब्ल्यू सबस्क्राईबरला ही मिळणार सेवा-
कंपनीने ऑस्ट्रेलिया आणि कॅनडामध्ये ट्विटर ब्ल्यू असलेल्या वापरकर्त्यांना 30 सेकंदात ट्विट मागे घेण्याचे फीचर दिले आहे. ही ऑफर अनेक वापरकर्ते काही वर्षांपासून करत होते. ट्विटर ब्ल्यू सबस्क्राईबरला ही सेवा घेण्यासाठी मासिक 3.49 कॅनडियन डॉलर किंवा 4.49 ऑस्ट्रेलियन डॉलर शुल्क लागू होणार आहे. ही सेवा भारतासह इतर देशांमध्ये लवकरच उपलब्ध होणार आहे.
हेही वाचा-टेस्लानंतर अमेरिकेची दुसरी इलेक्ट्रिक कंपनीही भारतात येणार- नितीन गडकरी
दरम्यान, ट्विटरने सीईओ जॅक डोर्से यांच्या माहितीनुसार 2023 मध्ये वार्षिक उत्पन्न दुप्पट होऊन 7.5 अब्ज डॉलरचे उद्दिष्ट निश्चित केले आहे.
