नवी दिल्ली - लोकसभा निवडणुकीच्या दुसऱ्या टप्प्यात देशभरात ९५ जागांसाठी १६,०० उमेदवार रिंगणात आहेत. यात महाराष्ट्रातील १० मतदार संघांचा समावेश आहे. तमिळनाडूतील लोकसभेच्या ३९ पैकी ३८ मतदारसंघांसह विधानसभेच्या १८ जागांसाठी पोटनिवडणूक होणार आहे. वेल्लोर मतदारसंघातील निवडणूक आयोगाने बुधवारीच रद्द केली. तसेच त्रिपुरातील एका जागेवरील मतदानही लांबणीवर टाकण्यात आले आहे. सकाळी ७ वाजल्यापासून देशात सर्व ठिकाणी मतदानाला सुरुवात झाली आहे.
Live Updates:
-
Total voter turnout for 2nd phase of #LokSabhaElections2019 is 61.12%. pic.twitter.com/mw2R25FLWC
— ANI (@ANI) April 18, 2019 " class="align-text-top noRightClick twitterSection" data="
">Total voter turnout for 2nd phase of #LokSabhaElections2019 is 61.12%. pic.twitter.com/mw2R25FLWC
— ANI (@ANI) April 18, 2019Total voter turnout for 2nd phase of #LokSabhaElections2019 is 61.12%. pic.twitter.com/mw2R25FLWC
— ANI (@ANI) April 18, 2019
३.०० PM - पश्चिम बंगालमध्ये ३ वाजेपर्यंत जवळपास ७१.३२ टक्के मतदान झाले आहे. तर, बिहारमध्ये जवळपास ५२.०२ टक्के मतदानाची नोंद करण्यात आली.
२.३० PM - लोकसभेच्या ९५ जागांसाठी देशातील १ हजार ६४४ उमेदवार रिंगणात.
२:०० PM - पश्चिम बंगालमधील चोपरा येथे तृणमूल काँग्रेस आणि भाजप कार्यकर्त्यांदरम्यान वादावादी. ईव्हीएम मशीनची मोडतोड.
१:०० PM - फत्तेपूर सिकरी येथील मंगोली काला येथील ग्रामस्थांचा निवडणुकीवर बहिष्कार. पाणी आणि सिंचनाची सोय नसल्याचे गावकरी संतप्त. आतापर्यंत कोणीही मतदान करण्यास आले नसल्याचा मतदान केंद्र ४१ चा अहवाल.
१२: ३० PM - अमरोहा येथील भाजपच्या खासदार पदाचे उमेदवार यांनी बनावट मतदान होत असल्याचा आरोप केला आहे. बुरख्यातील महिलांची तपासणी करून त्यांची ओळख पटविली जात नाही. एक पुरुष बुरखा घालून आल्याचे मी ऐकले आहे, असे ते म्हणाले.
११: ५० AM - पश्चिम बंगालच्या रायगंज येथे मतदानादरम्यान हिंसेच्या बातम्या समोर येत आहेत. येथून सीपीएम उमेदवार मो. सलीम जखमी झाले असल्याचीही माहिती आहे. रायगंज लोकसभा क्षेत्राच्या इस्लामपूरमध्ये सलीम यांच्या गाडीवर हल्ला झाला आहे. मात्र, सलीम सुरक्षित असल्याचे सांगितले जात आहे. परिस्थितीवर नियंत्रण मिळवण्यासाठी अर्धसैनिक दलाने लाठीचार्ज केला आहे.
११: ४० AM - ओडिशात महिला मतदान अधिकाऱ्याची हत्या करण्यात आली तर मतदान केंद्राकडे जाणाऱ्या अधिकाऱ्यांचे वाहनही पेटवण्यात आले आहे. या दोन्ही घटना ओडिशाच्या माओवादी प्रभावित कंधमाल या जिल्ह्यात घडल्या आहेत.
११: ३० AM - ११ वाजेपर्यंत विविध राज्यांतील मतदान -
उत्तर प्रदेश - ४.३१ टक्के
आसाम - २६.३९ टक्के
छत्तीसगड - २६.२ टक्के
बिहार - १८.९७ टक्के
मणिपूर - ३२.१८ टक्के
तमिळनाडू - ३०. ६२ टक्के
महाराष्ट्र - २१.४७ टक्के
जम्मू-काश्मीर - १७.८ टक्के
१०:४५ AM - जेडीएस नेते आणि माजी पंतप्रधान एच. डी. देवे गौडा यांनी पत्नीसह मतदान केले.
१०:१५ AM - कर्नाटकचे माजी मुख्यमंत्री सिद्धरामय्या यांनी म्हैसूर येथे मतदान केले.
१०:०५ AM - फत्तेपूर सिकरी येथील काँग्रेस उमेदवार राज बब्बर यांनी मथुरेतील राधा वल्लभ इंटर महाविद्यालय येथील मतदान केंद्रावर मतदानाचा हक्क बजावला.
९:५० AM - विविध मतदान केंद्रांवर वृद्धांनीही केले मतदान
९:४० AM - जम्मू-काश्मीरमध्ये नवविवाहित दांपत्याने उधमपूर मतदान केंद्रावर मतदान केले.
९:३५ AM - चेन्नईमध्ये द्रमुकचे अध्यक्ष एम. के. स्टॅलिन यांनी तेन्यामपेट येथील एसआयईटी महाविद्यालयातील मतदान केंद्रावर मतदान केले.
९:३० AM - कर्नाटकचे मुख्यमंत्री एच. डी. कुमारस्वामी, त्यांची पत्नी अनिता कुमारस्वामी मुलगा आणि मंड्या येथील जेडीएस उमेदवार निखिल यांनी रामनगर येथील मतदान केंद्रावर मतदान केले.
९:२५ AM - द्रमुकचे महासचिव के. अंबाझागन यांनी दक्षिण चेन्नई मतदार संघातील मायलापूर येथे मतदान केले.
९:१५ AM - मणिपूरचे मुख्यमंत्री एन. बिरेन सिंह यांनी इम्फाळ येथे मतदान केले.
९:०० AM - बिहारमधील कटिहार येथील त्रिवेणी नायक स्कूल येथील मतदान केंद्रावर काँग्रेसचा बॅनर आढळला.
८:५५ AM - मक्कल मय्यम पक्षाचे अध्यक्ष कमल हसन आणि श्रुती हसन यांनी केले मतदान.
८:४५ AM - बंगळुरुमध्ये अपक्ष उमेदवार प्रकाश राज यांनी बजावला मतदानाचा हक्क.
८:४० AM - दार्जिलिंगमध्ये मतदान केंद्रावर गर्दी
८:३५ AM - बिहारमध्ये ५ मतदारसंघांत सकाळी ८ वाजेपर्यंत ५.७३ टक्के मतदान
८:३० AM - पुदुच्चेरीचे मुख्यमंत्री व्ही. नारायणस्वामी यांनी मतदान केले.
८:२५ AM - मणिपूरच्या राज्यपाल आणि ज्येष्ठ काँग्रेस नेत्या नजमा हेपतुल्ला यांनी राजधानी इम्फाळ येथे मतदान केले.
८:२० AM - कर्नाटकातील बंगळुरु दक्षिण मतदार संघातील जयानगर येथून संरक्षण मंत्री निर्मला सीतारामन यांनी केले मतदान.
८:१५ AM - तमिळनाडूचे मुख्यमंत्री इडाप्पडी के पलानीस्वामी यांनी सेलाम येथे केले मतदान.
८:१० AM - आसाममधील २०० क्रमांकाच्या मतदान केंद्रावर व्हीव्हीपॅट मशीन बिघडल्याने थांबलेले मतदान सुरू.
७:४५ AM - पश्चिम बंगालमधील उत्तर दिनाजपूर येथील इस्लामपूर हिंदी एफपी स्कूल (मतदान केंद्र २९/१३४) येथील ईव्हीएम मशीनमध्ये बिघाड झाल्यामुळे अद्याप मतदान सुरू झालेले नाही.
७:४० AM - तमिळनाडू : नलिनी चिदंबरम, कार्ती चिदंबरम आणि त्यांची पत्नी श्रीनिधी रंगराजन यांनी शिवगंगा येथील कराईकुडी येथे मतदान केले.
७ः२० AM - महाराष्ट्रात सोलापूर येथील मतदान केंद्रावर ज्येष्ठ काँग्रेस नेते सुशीलकुमार शिंदे यांनी मतदान केले.
७ः१५ AM - अभिनेते आणि राजकारणी रजनीकांत यांनी मतदान केले.
७ः१० AM - काँग्रेस नेते पी. चिदंबरम यांनी तमिळनाडूत शिवगंगा येथील कराईकुडी येथे मतदान केले.
७ः०२ AM - जम्मू काश्मीर येथे उधमपूर मतदार संघात सकाळी ७ वाजता मतदान सुरू झाले.
७ः०० AM - आसाम, बिहार, छत्तीसगड येथे मतदान केंद्रांवर फुगे, रांगोळ्यांनी सजावट उत्साहाचे वातावरण
७ः०० AM - देशभरात मतदानाला सुरुवात
