पालघर (वसई - विरार) - संपूर्ण वसई-विरार महानगरपालिका क्षेत्रात सध्या कोरोनाने थैमान घातले आहे. वसई - विरारमध्ये शनिवारी एकाच दिवसात 93 नवे कोरोना पॉझिटिव्ह रुग्ण आढळून आल्याने नागरिकांच्या चिंतेत भर पडली आहे. तर आज (शनिवारी) दिवसभरात 4 रुग्णांचा कोरोनामुऑळे उपचारादरम्यान मृत्यू झाला आहे. तर 16 रुग्णांनी कोरोनावर मात केली असून त्यांना डिस्चार्ज देण्यात आला आहे.
शनिवारी आलेल्या कोरोना चाचणीच्या अहवालानंतर वसई-विरार महानगरपालिका क्षेत्रातील एकूण कोरोना रुग्णांची संख्या 1 हजार 476 वर जावून जोहोचली आहे. वसई विरारमध्ये आतापर्यंत एकूण 53 रुग्णांचा कोरोनामुळे उपचार घेत असताना मृत्यू झाला आहे. पालिका क्षेत्रात आतापर्यंत 744 रुग्ण कोरोनातून पुर्णपणे बरे झाल्याने त्यांना रूग्णालयातून डिस्चार्ज देण्यात आला आहे. तर सध्या अ‌ॅक्टीव्ह कोरोनाबाधित रूग्णांची संख्या ही 679 असून त्यांच्यावर रूग्णालयांमध्ये उपचार सुरू आहेत.
