लखनऊ - यूपीच्या सीतापूरमधील एक व्हिडिओ सध्या व्हायरल होत आहे. ज्यामध्ये भगवे कपडे घातलेला एक तरुण द्वेषपूर्ण भाषण देताना दिसत आहे. मुस्लिम धार्मिक स्थळाबाबत प्रक्षोभक भाषणे देण्याबरोबरच मुस्लिम महिलांचे अपहरण करून मुस्लिम महिलांवर बलात्कार करण्याच्या धमक्या हा तरुण देत असल्याचे दिसून येत आहेत. हा व्हिडिओ व्हायरल झाल्यानंतर लोकांमध्ये संतापाची लाट उसळली आहे. व्हायरल झालेला व्हिडिओ सीतापूरमधील खैराबादचा आहे. त्याचबरोबर पोलिसांनी व्हिडिओ तपासून कारवाईचे आश्वासन दिले आहे. सध्या पोलिसांनी गुन्हा दाखल केला आहे.
एका व्हायरल व्हिडिओमध्ये, सीतापूर जिल्ह्यातील खैराबाद येथील एका मशिदीबाहेर एका सभेला संबोधित करत आहे. भगवा परिधान केलेला युवक एका मुस्लिम धर्मस्थळाबद्दल चिथावणीखोर भाषण करताना दिसत आहे. यासोबतच तो मुस्लिम महिलांचे अपहरण करून त्यांच्यावर बलात्कार करण्याची धमकी देताना दिसत आहे. व्हिडिओमध्ये कारमध्ये बसलेला कथित महंत म्हणत आहे की, मुस्लिम भागातील मुलीची कोणी छेड काढली तर, मुस्लिम महिलांचे अपहरण करून सार्वजनिक ठिकाणी बलात्कार करेल, असेही तो आपल्या भाषणात म्हणत आहे. तर दुसरीकडे जय श्री रामचा नारा देत जमाव त्यांचा जयजयकार करत आहे.
स्थानिकांच्या म्हणण्यानुसार, 2 एप्रिल रोजी सीतापूरच्या खैराबाद शहरातील महर्षी श्री लक्ष्मण दास उदासी आश्रमाचे महंत बजरंग मुनी दास यांनी नवरात्रीच्या निमित्ताने मिरवणूक काढली. तेव्हा द्वेषपूर्ण भाषणाचा हा 2 मिनिट 9 सेकंदाचा व्हिडिओ रेकॉर्ड करण्यात आला होता. मिरवणूक मशिदीजवळ पोहोचली तेव्हा त्याने लाऊडस्पीकरवर द्वेषपूर्ण भाषण देण्यास सुरुवात केली, असा आरोप आहे. डीआयजी/एसएसपी सीतापूर आरपी सिंह यांनी सांगितले, की व्हिडिओ निदर्शनास आल्यानंतर खैराबाद पोलीस ठाण्यात गुन्हा दाखल करण्यात आला आहे. व्हिडिओची चाचणी घेतली जात आहे. जो कोणी दोषी असेल त्याच्यावर कठोर कारवाई केली जाईल, असेही पोलिसांनी सांगितले आहे.
हेही वाचा - Anand Rai arrested : व्यापम घोटाळा घडवून आणणारे व्हिसल ब्लोअर डॉ. आनंद राय यांना दिल्लीतून अटक
